पोखरा – सामाजिक संजाल टिकटकमा जोडिएकाहरुको समुह नेपाली हर्ट ग्रुपले पोखरा महानगरपालिका -३१ किम्बेशी घर भएकी क्यान्सर रोगबाट पिडित हरिमाया नेपालीलाई आर्थिक सहयोग गरेको छ ।
नेपाली हर्ट ग्रुपले टिकटकको माध्यमबाट सहयोग जुटाएर ३१ हजार १ सय साठी रुपया नगद सहयोग गरेको जानकारी ग्रुपकी पोखरा शाखा उपाध्यक्ष शरु बरालले गुरुकुल खवरलाई दिईन् ।
उनका अनुसार नेपाली हर्ट ग्रुपले नेपाली सहित देशका विभिन्न स्थानका ७६ जनालाई सहयोग गरेकोमा पोखरामा दोश्रो बिरामीको रुपमा नेपालीलाई सहयोग गरिएको हो ।
दश वर्ष अगाड़ी श्रीमान गुमाएकी नेपालीको एक छोरा रहेपनि उनि समेत अपांग अवस्थामा छन।
विगत ४ वर्ष देखि क्यान्सर रोगबाट पीड़ित नेपालीको भरतपुर स्थित क्यान्सर हस्पिटलमा उपचार भैरहेको छ । हाल उपचार खर्चको अभाव भएको जानकारी पाएपछि थोरै मात्र भएपनि सहयोग पुगोस भन्ने उद्देश्यले टिकटक चलाउनेहरु बाट उक्त रक़म संकलन गरिएको हो ।
क्यान्सर रोगबाट पीड़ित नेपालीलाई उनको निवासमा पुगेर सहयोग हस्तान्तरण गरिएको थियो । कार्यक्रममा स्थानीय जनप्रतिनिधि देबेन्द्रराज अधिकारी ,बिनोदमणि लामिछाने सामाजिक व्यक्तित्व बिरेन्द्र ढकाल, पुरुषोत्तम अधिकारी, ग्रुपको पोखरा साखाका सचिब कमल कार्की, सदस्य शोभा लामिछाने लगायतको सहभागिता रहेको थियो ।
नेपाली हर्ट ग्रुप पोखरा शाखाका अध्यक्ष पुर्ण रेग्मीका अनुसार टिकटक प्रेमीहरुको उक्त ग्रुपले यस अगाडी पनि नेपालको विभिन्न स्थानमा रहेका विपन्न र असहायहरुलाई यस किसिमले सहयोग गर्दै आएको छ ।
यस अगाडी पनि विगत ५ वर्ष देखि अचेत अवस्थामा रहेका पोखरा -१२ फुलबारी निवासी विश्व गुरुडंको उपचारको लागि पनि सोही ग्रुपले १ लाख ७६ हज़ार रुपैया सहयोग गरेको जनाएको छ ।
सामाजिक सन्जालबाट पनि विपन्न र असहायहरुको लागि आर्थिक एवं अन्य सहयोग उपलब्ध गराउन सकिन्छ भन्ने उदाहरण नेपाली हर्ट ग्रुपले देखाएको ग्रुपका सस्थापक अध्यक्ष डिल्लिराज पराजुलीलेले बताए ।
