पोखरा । कास्की पोखरा हस्तकला संघ कास्कीको आयोजनामा सोमबारबाट पोखरामा प्राकृतिक रेशाजन्य हस्तकला तालिम सुरु भएको छ ।
जेठ २९ गतेसम्म चल्ने १५ दिने तालिमको उट्घाटन गर्दै पोखरा महानगरपालिका वडा नं १ का वडाध्यक्ष सहारा प्रधानले तालिमले महिला सशक्तिकरणमा सघाउ पुर्याउनुका साथै आर्थिक रुपमा सवल बनाउने विश्वास व्यक्त गरे । हरेक क्षेत्रमा समान सहभागिताको कुरा उठाई रहदा आर्थिक पाटोमा पनि समान हुनु पर्ने आवश्यकता औल्याए ।
नारी विकास केन्द्रका अध्यक्ष उषा बडुवालले आर्थिक रुपमा सवल हुन सीपको आवश्यकता पर्नेमा जोड दिदै तालिम पश्चात उधमशिलतामा जोड्न आग्रह गरिन् ।
महिला उधमी संघ कास्कीका अध्यक्ष पार्वती पौडेलले महिला सवल र सक्षम हुन सीप अपरिहार्य भएको बताउदै सीपले मात्र अर्थोपार्जन गर्न सक्नेमा जोड दिईन् । उत्पादित वा निर्मित वस्तुको बजार मात्र राम्रो नभई बजारभाउ पनि राम्रो भएको बताउदै पौडेलले ईच्छाशक्ति लगाएर तालिम लिन सहभागी सबैलाई आग्रह गरिन् ।
स्वस्तिक हस्तकला उधोग बगरका प्रोपाईटर सीता गुरुङले आर्थिक सशक्तिकरणले मात्र महिलाले हरेक क्षेत्रमा प्रतिनिधित्व गर्न सक्ने दावी गर्दै सीप सिकेर आफ्नो कमाईमा जीवन निर्वाह गर्न सहभागि सबैलाई आग्रह गरिन् ।
समावेशी वचत तथा ऋण सहकारी संस्थाका सचिव जीवन अधिकारीले महिला उधमी उत्पादनका लागि प्रदान गर्न लागिएको हस्तकला तालिम कोशेढुंगा सावित हुने विश्वास व्यक्त गरिन् ।
कास्की पोखरा हस्तकला संघका अध्यक्ष रामकली खड्काको अध्यक्षतामा सम्पन्न उद्घाटन कार्यक्रमको संचालन बुद्वि पूर्जाले गरेका थिए ।
३० जना सहभागिता रहेको तालिममा सुनिता बानिया र लक्ष्मी शर्मा प्रशिक्षकका रुपमा रहेका छन् ।
