पोखरा, नेपाल प्रेस युनियन कास्कीको १० औं अधिवेशनबाट अध्यक्ष पदमा बासुदेव मिश्र निर्विरोध निर्वाचित भएका छन। मिश्र पोखरामा रहेर लामो समयदेखि पत्रकारितामा क्रियाशील छन । समाचार लेखन र रेडियो कर्ममा निरन्तर सक्रिय रहेका मिश्रले पोखरामा रहेर विभिन्न छापा एवं रेडियोमा काम गरिरहेका छन।

युनियनको खुल्ला उपाध्यक्षमा विजय लम्साल पनि निर्विरोध निर्वाचित भएका छन । लम्साल यस अगाडी युनियनको जिल्ला कार्य समितिको कोषाध्यक्ष थिए । उनि ताण्डव न्यूज़मा संलग्न छन ।

समितिको महिला उपाध्यक्ष महिला ज्योती हमाल र सचिवमा धन बहादुर गुरुङ चयन भएका छन् । गुरुडं पोखराको आदर्श समाज दैनिकमा कार्यरत छन।त्यसै गरी सहसचिवमा सपना अधिकारी, कोषाध्यक्ष निराजन अधिकारी चयन भए ।

कार्यसमिति सदस्यमा अजय क्षेत्री, विवेक ढुंगाना, रोवर्ट घिमिरे, सञ्जय आचार्य, शिव प्रसाद न्यौपाने, अभिनन्दन वजिमय, प्रवीण थापा, प्रतिमा सापकोटा, बलबहादुर रोका मगर, देवीका तामाङ, सविन विक निर्विरोध निर्वाचित भएका छन् ।

यस पटक युनियनको कास्की जिल्लाको नेतृत्व लिन अन्य ५ जनाले पनि ईच्छा जाहेर गरेर उमेदवारी दिएका थिए । जसमा यस अधि कार्यवाहक अध्यक्षको रुपमा जिम्मेवारी सम्हालेकी रविना आले,राससमा कार्यरत बासुदेव पौडेल, नेपाल टेलिभिजनमा कार्यरत पर्शुराम शर्मा र कान्तिपुर टिभीमा कार्यरत भुपाल गुरुडं र यस अगाडीका कोषाध्यक्ष तथा हाल उपाध्यक्ष बनेका बिजय लम्साल समेत आकांक्षी थिए ।

आईतबार र सोमवार प्रेस युनियनका सदस्यहरुको पहल र सहमतीमा कार्यसमिति निर्विरोध निर्वाचित गरिएको हो ।

निर्वाचन सम्पन्न गर्न राज बहादुर गुरुडं संयोजक र गिता लामीछाने, हरी भट्टराई र पदम श्रेष्ठ सदस्य रहेको निर्वाचन समिति बनेको थियो भने केन्द्रीय प्रतिनिधिको रुपमा नेपाल पत्रकार महासंघका केन्द्रीय सदस्य छवि तिवारी खटिएका थिए ।

युनियनको अधिवेशनबाट सर्वसम्मत नेतृत्व चयन गर्न युनियनका केन्द्रीय उपाध्यक्ष ऋषिकान्त पौडेल, गण्डकी प्रदेश अध्यक्ष टंकराज अधिकारी, उपाध्यक्ष माधव रेग्नी र महासचिव प्रकाश ढकाल सहित पुर्व अध्यक्षहरु शिरोमणि बराल, नविन सिग्देल लगायत सक्रियता पूर्वक लागेका थिए ।

नेपाल प्रेस युनियन कास्कीको नेतृत्व यस अगाडी कार्यबाहक अध्यक्षको रुपमा रविना आलेले सम्हालेकी थिईन । त्यस अगाड़ी नविन सिग्देल, शिरोमणि बराल, हेमराज बराल र गंगाधर पराजुलीले कास्कीमा प्रेस युनियनको अध्यक्ष बनेका थिए ।

युनियनका पुर्व अध्यक्षहरु मध्ये गंगाधर पराजुलीले युनियनको क्षेत्रीय संयोजक सहित केन्द्रीय समितिमा प्रथम उपाध्यक्ष समेत रहेर काम गर्नुको साथै नेपाल पत्रकार महासंघको केन्दीय उपसभापति र नेपाल सरकार अन्तर्गत न्यूनतम पारिश्रमिक निर्धारण समितिको अध्यक्ष समेत रहेर काम गरिसकेका छन भने हेमराज बराल युनियनको केन्द्रीय सदस्य बनेका थिए ।