पोखरा महानगरपालिका वडा नं ६ का महिलाहरुद्वारा गठित ढोरवाराही दिदि बहिनी समितिले स्थानीय स्तरमा मात्र नभएर पोखरा बाहिर समेत विभिन्न रचनात्मक काम गर्दै आएको छ ।

महिला दिदी बहिनीहरुको सशक्तिकरण एवं महिलाहरुको चेतना जागृत गराउने र आफ्नो हक अधिकार सहित परिवारका सदस्यहरुलाई समेत आवश्यक ज्ञान दिलाउनका लागि विभिन्न काम गर्दै आएको उक्त संस्थाले चितवनको चेपाड्ंग बस्तीमा पुगेर आर्थिक एवं भौतिक सहयोग गरेको छ ।

यस क्रममा चितवन जिल्लाको उपरदाङ गढि स्थित चेपाङ वस्तीमा रहेको श्री राष्ट्रिय आधारभूत विधालयमा अध्ययनरत ३१ जना छात्र छात्राहरूको लागि ढोरबाराही दिदी बहिनी समितिले विधालय पोसाक, र स्टेशनरी प्रदान गरेको छ ।

पोखराबाट चितवनको विकट मानिने त्यस क्षेत्रमा पुगेका समितिका पदाधिकारी एवं सदस्यहरुले बिधार्थीहरुको लागि आवश्यक पर्ने स्टेशनरी र पोशाक सहित विद्यालयलाई नगद १० हज़ार पाँच सय रुपैया आर्थिक सहयोग प्रदान गरेका थिए ।

कार्यक्रममा ढोर बाराही दिदी बहिनी समितिको अध्यक्ष गिता पहारी, सल्लाहकार तेजनारायण पराजुली , विधालयका प्राचार्य ज्योती गुरुङ, र सहयोगदाताहरुको तर्फबाट शान्ती अधिकारी लगायतले आआफ्नो भनाई राखेका थिए । उनिहरुले पोखराबाट चितवन आएर चेपांग बस्तीका बालबालिकाहरुलाई सहयोग गर्न पाएकोमा खुशी प्रकट गरेका थिए ।