पोखरा । नेपाल लोकतान्त्रवादी आदिबासी जनजाति महासंघ जिल्ला कार्य समिति कास्कीको पदस्थापन तथा सपथ कार्यक्रम शुक्रबार पोखरामा सम्पन्न भयो ।
कार्यक्रमको उदघाटन गर्दै नेपाली काँग्रेस कास्कीका सभापति किशोरदत्त बरालले राजनीतिक क्षेत्रमा आदिबासी जनजातिको सशक्तिकरण र सहभागिताका नेपाली काँग्रेस कास्की सहकार्य र समन्वय गर्ने प्रतिवद्धता व्यक्त गरे । सभापति बरालले भातृसंस्था भएको सम्बन्धले मात्र नभई हरेक जातजातिलाई राजनीतिक मुलधारमा ल्याउन ठुला दलहरु अग्रसर हुनुपर्ने विचार समेत व्यक्त गरे ।
नेपाल लोकतन्त्रवादी आदिबासी जनजाति महासंघका केन्द्रीय सदस्य सुनिल गुरुङले राजनीतिक क्षेत्रमा आदिबासी जनजातिलाई सक्रिय सहभागि गराउनकालागि महासंघले महत्वपूर्ण भूमिका निर्वाह गर्ने बताए ।
कार्यक्रममा नवनिर्वाचित कास्की जिल्ला कार्य समितिका उपसभापतिद्धय तोत्रमान गुरुङ र चन्द्रप्रकाश थापा, .सचिवद्धय रीता गुरुङ र रामप्रसाद श्रेष्ठ,सह सचिवद्वय बुद्बिहादुर गुरुङ र भिमकुमारी गुरुङ, कोषाध्यक्ष भीमकुमारी आले र प्रवक्ता बुद्धिमान गुरुङले पदस्थापन तथा शपथ ग्रहण गरेका थिए ।
यसैगरी जिल्ला कार्य समिति कास्कीका सदस्यहरु देव गुरुङ, रामकाजी गुरुङ, रामकुमार श्रेष्ठ, ज्योती थापा, यातमाया तामाङ, गणेश गुरुङ, सीता गुरुङ, ईश्वरी गुरुङ, सोमबहादुर तामाङ, चेतबहादुर कुमाल, दीपक थापा र चेतबहादुर कुमालका साथै नेपाल लोकतन्त्रवादी आदिबासी जनजाति महासंघ पोखरा महानगर सभापति वीरबहादुर गुरुङ, क्षेत्रीय सभापतिहरु क्षेत्र नं १ का शरण प्रधान , क्षेत्र नं २ का अजय गुरुङ र क्षेत्र नं ३ का राजु घलेले पदस्थापन तथा शपथ ग्रहण गरेका थिए ।
महासंघका कास्की सभापति आशबहादुर गुरुङको सभापतित्वमा सम्पन्न कार्यक्रममा नवनिर्वाचित कार्यसमिति सदस्यहरुका साथै पोखरा महानगर र क्षेत्रीय सभापतिहरुले महासंघ कास्की सभापति गुरुङ समक्ष शपथ लिएका हुन् ।
कार्यक्रमको समापनमा बोल्दै सभापति गुरुङले मुलुकमा भएको राजनीतिक परिवर्तनसंगै आदिबासी जनजातिको मुद्वाले केन्द्रिय स्थान प्राप्त गरे पनि सन्तुष्ट हुने अवस्था नरहेको बताए । उनले माउ पार्टी नेपाली काँग्रेसको सहकार्य र व्यक्ति आफ्नै सक्रियता र संघर्षले मात्रै राजनीतिक क्षेत्रमा जनजातिले समान प्रतिनिधित्व गर्न सक्ने विचार व्यक्त गरे ।
प्रतिक्रिया लेख्नुहोस्:-