तिमी शेर हौ, बहादुर शेर
- कल्याण गुरुडं
तिमी बहादुरको बच्चा हौ
तिमी शेर हौ, बहादुर शेर ।
कुनै घर र भर हुँदैन बाँदरहरुको
नत आफ्नो घर बनाउछन्,
नत अर्काको घर बन्न नै दिन्छन् यिनीहरुले ।
विश्वास नगर स्यालहरुको ।
दुध चोरेर खाने बानी हुन्छ बिरालोहरुको ।
जंगलमा पनि आफनै राज्य हुन्छ शेरको ।
आफ्नो सीमाको रक्षा हुन्छ आफैले गरेको ।
कराउँदै गर्छ बाँदर, बिरालो र स्यालको जेरले
भाग्छन् ति चार कोश टाढा, जब गर्जन्छ शेरले ।
विश्वास गर्नेको गल्ती हुँदैन
किन गर्नु ब्यर्थ चिन्ता धेर ।
जाँग, उठ लडनु छ घमासान जंग
तिमी बहादुरको बच्चा हौ
तिमी शेर हौ, बहादुर शेर ।
प्रतिक्रिया लेख्नुहोस्:-