कल्याण गुरुडं-
तिमी प्रशन्न होऊ
तिम्रो शत्रु बेहोश हुनेछ ।
सबैलाई हितैषी र मित्र मात्रै नठान ।
कहाँ छन् र शत्रुहरु ? कहिल्यै नभन ।
बाहिर मात्र होईन, तिमी स्वयं भित्रै पनि तिम्रो शत्रु हुन सक्छन् ।
तिम्रो दाया बाया पनि तिम्रो शत्रु हुन सक्छन् ।
मित्र बनेर पनि शत्रु संगै बसेको हुन सक्छन् ।
बाहिर पनि तिम्रो बलियो शत्रु हुन सक्छन् ।
सतही र हल्का ढंगले कसैलाई नलिनु के गर्न सक्छन् र शत्रुहरुले ? नभन्नु ।
वास्तविक शत्रुलाई राम्ररी चिन्नु हितैषीलाई चिन्ने गतिलो प्रयास गर्नु ।
आफ्नो स्वार्थको लागि मित्र बनेका शत्रुहरुले,
तिम्रो वास्तविक मित्रहरुलाई तिमीबाट टाढा राख्नेछन्।
गलत सुचना दिएर तिमीलाई बहकाउने छन् ।
गलत व्याख्या गरेर मानिसलाई भडकाउने छन् ।
तिमीसंग उनीहरुलाई भेटन र संवाद गर्न दिने छैनन् ।
तिमीलाई उनीहरुले लेखेको पढन दिने छैनन्।
उनीहरुले बोलेको कठोर वचन सुन्न दिने छैनन्।
परिस्थिति र वास्तविकता बुझ्न दिने छैनन्।
तिमीलाई भेदभाव र अन्याय गर्न उक्साउने छन् ।
अवसरको वितरण र न्याय गर्न दिने छैनन् ।
भ्रमको नवीन सुन्दर संसार देखाउनेछन् ।
स्वार्थ समुहको साँघुरो घेरामा राख्नेछन् ।
तिमीबाट तिम्रो वास्तविक हितैषीहरुलाई टाढा राख्नेछन् ।
स्वार्थ पुरा भएपछि उनीहरुले नै पहिले तिमीलाई एकदिन साथ छोडेर जानेछन् ।
उनीहरुले तिमीलाई जिन्दगीभरि धुरुधुरु रुवाउन प्रत्यक्ष र अप्रत्यक्ष कोशिश गर्नेछन् ।
तर, तिमी नरुनु कहिल्यै पनि नरुनु
किनकी तिमी रोयौ भने तिम्रो शत्रु हाँस्नेछ ।
कठोर संकल्प लिएर, पीडालाई मन भित्र गाँठो पारेर बाँध ।
आँशुलाई पनि अमूल्य मोती झै साँच ।
हरेक बाधालाई अटल अठोटले भाँच ।
धोखाको कर्कस संगीतमा पनि नाँच ।
अपमानलाई उत्सव मनाएर पनि नाँच ।
धर्तीमा भूकम्प आउने गरि नाँच ।
शत्रुको मुटु हल्लिने गरि नाँच ।
नाँच, तिमी छमछमी नाँच ।
मन हल्का हुने गरि नाँच्नु।
साथी संगीहरुसंग दिल खोलेर हाँस्नु ।
तर, तिमी नरुनु कहिल्यै पनि नरुनु किनकी तिमी रोयौ भने तिम्रो शत्रु हाँस्नेछ ।
अनि, अपमान, विभेद, धोखा र वेदना सहेर पनि यो जगतमा तिमी हाँस,
रोएर केही हुँदैन तिमी मुस्कुराऊँ, तिमी मुस्कुराऊँ तिमी मुस्कुराऊँ
तिम्रो शत्रु रुनेछ ।
तिमी दिल खोलेर हाँस
तिम्रो शत्रु डाको हालेर रुनेछ ।
तिमी प्रशन्न होऊ
तिम्रो शत्रु बेहोश हुनेछ ।
