पोखरा । पोखरा महानगरपालिका वडा नं. ९ पृथ्वीचोकस्थित जिल्ला ट्राफिक प्रहरी कार्यालयको पूरानो भवन भत्काइएको छ ।
पोखरा–९ को वडा कार्यालयको अग्रसरतामा महानगरपालिकाको कार्यपालिकाको बैठकले सो भवन भत्काउने निर्णय गरेको थियो ।
नयाँबजार नजिकै निर्मित सुविधा सम्पन्न नयाँ भवनमा ट्राफिक प्रहरी कार्यालय सरेपछि जीर्ण अवस्थामा रहेको पूरानो भवन मंगलबार भत्काइएको हो ।
सो ठाउँमा अब आकर्षक पोखरा घर बनाउने उद्देश्य रहेको वडाध्यक्ष दीपेन्द्र मर्सानीले जानकारी दिए । पोखरा आउने पर्यटकलाई आकर्षित गर्ने गरि पोखरा घर बनाइने उनले बताए ।
उनका अनुसार करिब २ रोपनी क्षेत्रफल रहेको यस जग्गामा पर्यटकीय क्षेत्रको सूचना पार्टी, यसअघि महेन्द्रपुलमा रहेको पोखरा आर्ट ग्यालरी, पुस्तकालय र घण्टाघर पनि रहने गरि भवन बनाइनेछ ।
करिब दुई करोड रुपैयाँ लागतमा उक्त भवन दुई वर्ष भित्रैमा बन्ने मर्सानीको भनाई छ ।
प्रतिक्रिया लेख्नुहोस्:-