पोखरा । नेपाली काँग्रेसको तर्फबाट नवनिर्वाचित गण्डकी प्रदेश सभा सदस्य सरस्वती गुरुङ सम्मानित भएकी छन् । इन्द्रा क्षेत्री स्मृति मानव मिलन नारी जागरण पुरस्कारबाट उनी सम्मानित भएकी हुन् ।
मानव मिलन नारी जागरण नेपालद्वारा सो संस्थाकी संस्थापक कोषाध्यक्ष इन्द्रा क्षेत्रीको स्मृतिमा स्थापित सो पुरस्कारको राशी १० हजार पाँच सय ५५ रुपैयाँ र सम्मानपत्र रहेको छ । ब्रह्मकुमारी इश्वरिय विद्यालय, पार्दीकी संचालिका ब्रह्मकुमारी अप्सरा दिदीले नगदसहित सम्मान पत्र र दोसल्लासम्मान गरेका थिए ।
सम्मानित सांसद गुरुङले समाजसेवीको नाममा स्थापित पुरस्कार पाउँदा जिम्मेवारी थपिएको बताँउदै काम गर्न थप हौसला बढेको पनि बताईन् । पुरस्कार वापत पाएको रकम कुनै सामाजिक कार्यमा लगाउने प्रतिवद्धता जनाउँदैभर्खर मात्र सांसदमा निर्वाचित भएकाले अबको ५ वर्ष महिलाको हित अधिकारका लागि समय खर्चने बताईन् । उनले मानविय सत्कर्ममा क्रियशिल संस्था मानव मिलन नारी जागरणका लागि सक्दो आर्थिक सहयोग गर्ने प्रतिवद्धता पनि जनाईन् ।
कार्यक्रममा अप्सरा दिदीले सकारात्मक कार्य गर्नेहरुको सम्मानबाट नै समाज अघि बढ्ने बताईन् । सामाजिक कार्यसँगै राजनीतिमा सक्रिय गुरुङलाई पुरस्रकारले सम्मान गर्दा पुरस्कारको महिमा अझ बढेको उनको भनाई थियो । समाजसेवी इन्द्रा क्षेत्रीको स्मृतिलाई जीवन्त राख्न मानव मिलन नारी जागरणले पुरस्कार स्थापना गरी उदाहरणीय कार्य गरेको भन्दै त्यसको प्रशंसा गरिन् ।
कार्यक्रममा पत्रकार महासंघकी केन्द्रीय सदस्य सरिता तिम्सिना पगेनी, पुरस्कार छनोट समिति संयोजक लक्ष्मी शर्मा भट्टराइ, स्व। इन्द्रा क्षेत्रीको छोरी सुजता क्षेत्री लगायतले संस्थाले महिलाको क्षेत्रमा उल्लेख्य काम गरेको बताएका थिए ।
कार्यक्रममा सम्मानित सरस्वती गुरुङको जीवनी माथि पत्रकार रीता गरुङले प्रकाश पारेकी थिईन् ।
संस्थाकी अध्यक्ष सविता बरालको अध्यक्षतामा भएको कार्यक्रम सदस्य गिता विष्टले सञ्चालन गरेकी थिईन् ।
मानव मिलनमा नयाँ कार्यसमिति
मानव मिलन नारी जागरण नेपालको अध्यक्षमा रमा ढकाल चयन भएकी छिन् । संस्थाको पाचौं अधिवेशनले ढकालको अध्यक्षतामा १५ सदस्यीय नयाँ कार्यसमिति सर्वसम्मत चयन गरेको हो ।
उपाध्यक्षमा मेनका पोखरेल, सचिवमा गिता विष्ट, सहसचिवमा देवी बराल र कोषाध्यक्षमा रुक्मिणी खड्का चयन भएकी छिन् ।
निर्वाचित अध्यक्ष ढकालले संस्थाको गरिमा उचो पार्ने गरी नयाँ नयाँ कार्यक्रम गर्ने प्रतिवद्धता जनाईन् ।
