पोखरा, नेपाली कांग्रेसका महामन्त्री द्वय गगन थापा र विश्व प्रकाश शर्माले एक अर्काबिचका रहस्य खोलेका छन । पोखरामा आयोजित नेपाल लिटरेचर फ़ेस्टिवलमा दुई जना महामन्त्रीलाई राखेर पत्रकार बसन्त बस्नेतले गरेको छलफल कार्यक्रममा दुबै जनाले केही विषयमा रहस्य खोलेपनि केही कुरा भने लुकाउन खोजे ।
दुई जना युवा हुनुहुन्छ र एउटै पार्टीका महामन्त्री पनि हुनुहुन्छ तर सार्वजनिक कार्यक्रममा संगै नभएको कति भयो भन्ने प्रश्नमा विश्व प्रकाशले कुनै उत्तर दिएनन तर गगन थापाले स्पष्ट पार्दै भने – धेरै समय भयो । कति समय भयो भन्ने यकिन नभएपनि गगनले कुरा खोल्दै भने – पार्टी भित्र हाम्रो गुट फरक थियो त्यसैले मलाई बोलाउने कार्यक्रममा वहालाई नबोलाउने र विश्व दाईलाई बोलाउने कार्यक्रममा मलाई नबोलाउने अवस्था रह्ये ।
गगनले आंफुलाई विश्व प्रकाश शर्माले नै नेविसंघको अध्यक्ष बन्न नदिएको पिडा समेत त्यसै अवसरमा पोखेका थिए । त्यसको प्रत्युत्तरमा विश्वले स्पष्ट पार्दै भने – नेविसंघको पोखरा महाधिवेशनमा आंफु सहित अरुले गगनलाई नै अध्यक्ष बनाउने चाहना राखेको थिएं । पोखरा महाधिवेशनमा तोड फोड़ समेत भएर महाधिवेशन रोकिएपछि चितवनमा भएको महाधिवेशन भने आफुहरुले प्रदिप पौडेललाई अध्यक्ष उमेदवार बनाएर जिताएको विश्व प्रकाशले स्पष्ट पारे ।त्यसको सट्टा अहिले कांग्रेस संसदीय दलको उमेदवारमा समर्थन गरेको उनको भनाई थियो ।
यस पटक कांग्रेस संसदीय दलको चुनावमा डा शेखर कोईराला मात्र नभएर गगन , विश्व प्रकाश र प्रदिप पौडेल सहितका नेताहरु एकै ठाउंमा उभिने वातावरण कसरी बनेको हो र त्यसमा तपाईं गगन र विश्वप्रकाश बिच के सहमती भएको छ भन्ने प्रश्नको उत्तर भने दुवैले दिन चाहेनन ।
त्यो प्रश्न आउने बित्तिकै विश्वले भने – ‘सबै कुरा नखोल्नु है !’
अनि गगनले पनि थप गर्दै भने – ‘हामी कसरी एकै ठाउंमा उभिन पुग्यौ भन्ने रहस्य ज्यान गए पनि खोल्दिन
प्रतिक्रिया लेख्नुहोस्:-