पोखरा । पोखरालाई आधार बनाएर गण्डकी प्रदेशमा असोज २८ गतेदेखि हुने नवौं राष्ट्रिय खेलकुदमा सहभागी ३६ खेलका प्रत्येक संघहरुले २ लाख रुपैयाँ प्राप्त गर्ने भएका छन् ।
राष्ट्रिय खेलकुद परिषदले मंगलबार काठमाण्डौंम आयोजित अन्तरक्रिया कार्यक्रममार्फत प्रतियोगिता सञ्चालनका लागि दुई लाख रुपैयाँ दिने बताएको हो । रकम उपलब्ध गराएपनि अन्य सुविधा भने नदिने परिषदले जानकारी दिएको छ ।
परिषदद्धारा जारी विज्ञप्तीमा बजेटबाट विषयगत समितिबाट सम्पादन हुने कार्यबाहेक प्रतियोगिता सञ्चालनका अवसरमा आवश्यक पर्ने सम्पूर्ण व्यवस्थापन सम्बन्धित संघले नै गर्नुपर्नेु पर्ने उल्लेख गरिएको छ ।
नवौं राष्ट्रिय खेलकुदको उद्घाटन राष्ट्रपति विद्यादेवी भण्डारीले गर्ने आयोजकले जनाएको छ ।
२०७५ सालमा नेपालगञ्जमा भएको आठौं राष्ट्रिय खेलकुदपछि कोडिभ १९ महामारीका कारण नवौं समयमा हुन सकेको थिएन ।
