पोखरा । पोखरा महानगरपालिका वडा नं. २० भलाममा पार्क सहितको खुल्ला व्यायामशाला तथा जेष्ठ नागरिक दिवा विश्राम स्थल निर्माण हुने भएको छ । ठूलोपाटनको पूर्वी भागमा हरिहर पैदल मार्गसँग जोडिएको खुल्ला सार्वजनिक जग्गामा पार्क सहितको खुल्ला व्यायामशाला तथा जेष्ठ नागरिक दिवा विश्राम स्थल निमार्ण हुने भएको हो ।
सोमवार बसेको समितिको पहिलो बैठकले पोखरा महानगरपालिकाको आर्थिक वर्ष २०७९।०८० वार्षिक कार्यक्रम अन्तरगत विनियोजित रकम र वडा कार्यालय भलामको सहयोगमा उक्त विश्राम स्थल निमार्ण गर्ने निर्यण गरेको हो ।
पार्क तथा खल्ला व्यायामशाला, जेष्ठ नागरिक विश्राम स्थल निर्माण समितिका अध्यक्ष यादव गौतमको अध्यक्षतामा बसेको बैठकको संचालन सचिव रेशम खत्रीले गरेका थिए भने बैठकमा वडा नं २० का वडा अध्यक्ष गंगाबहादुर खत्रीले विश्राम स्थल निर्माणका लागि वडाले सक्दो सहयोग गर्ने प्रतिबद्धता जनाएका थिए ।
