Play

आगलागी पीडित लक्ष्मीलाई मर्दीखोला हङकङ समाजको २ लाख ५६ हजार सहयोग

गुरुकुल खबर


पोखरा, मर्दीखोला सेवा समितिकास्कीहङकङ समाजले कास्कीको आगालागीबाट पीडितलाई आर्थिक सहयोग गरेको छ ।
माछापुच्छ गाउँपालिका ८ लुम्रेकालागलागीपीडित गोलमान गुरुङको परिवारलाई वडाअध्यक्ष रामबहादुर गुरुङको उपस्थितीमा
समाजले २ लाख ५६ हजार ५ सय ६ रुपैयाँ सहयोग गरेको हुन् ।

मर्दीखोला सेवा समिति कास्की , हङकङ समाज महिला समितिका सचिव बद्रीलक्ष्मी गुरुङ, अजिवन सदस्य दिलबहादुर गुरुङ र निशा पौडेलले उक्त रकम पिडित परिवारका सदस्य लक्ष्मी गुरुङलाई प्रदान गरेका हुन् ।

गत जेठ ५ गते कास्कीको माछापुच्छ गाँउपालिका ८ लुम्रे निवासी गोलमान गुरुङको घरमा ग्याँसको सिलिण्डर पड्केर आगालागीबाट ठूलो क्षति भएको थियो । आगलागीबाट करिब ३० लाख बराबरको क्षती भएको वडाध्यक्ष गुरुङले जानकारी दिए । ‘ग्यास लीग भएर सबै आगलागी भएपछि निभाउने धेरै प्रयास भयो तर सकिएन्,’ उनले भने, ‘लुगाफाटा, गरगहना सबै गर्दा करिब ३० लाख जतिको क्षती भयो होला ।’

विदेशी भूमिमा रहे पनि मानवीयतालाई भूगोलले नछेक्ने जनाउँदै नेपालीहरुलाई सहयोग जुटाउँदै आएको समजका महिला संघ सचिव बद्रीलक्ष्मी गुरुङले जनाइन् । आगामी दिनमा पनि सहयोगलाई निरन्तरता दिने उनको प्रतिवद्धता थियो ।

सहयोग हस्तान्तरण कार्यक्रममा निशापौडेलले मानवीय सेवा नै धर्म भएकाले आफूहरुले समस्यामा रहेका हरुको वास्तविक समस्या बुझेर सक्दो सहयोगमा जुट्ने बताईन् । हङकङमा रहेका मर्दीखोला सेवा समिति , कास्की हङकङ समाजका पदाधिकारी, साधारण सदस्य तथा शुभचिन्तक र विदामा नेपाल आएकाहरुबाट उक्त रकम संकलन गरिएको गुरुङले जानकारी दिइन् । नेपालीको हरेक दुखमा साथ दिनआफूहरु तयार रहेको उनको भनाई थियो ।

वडाअध्यक्ष गुरुङले विदेशी भूमिमा रहेर पनि जन्मभूमिमा भएको समस्या र दुःख पीडालाई आत्मसात गरी सहयोग रकम जुटाएकोमा धन्यवाद व्यक्त गरे ।

सहयोग रकम हस्तान्तरण कार्यक्रममा माछापुच्छ  ८का वडा सदस्य रामहरी गुरुङले कठिन अवस्थामा एक अर्काको सहयोगमा जुटेर अघि बढ्नु नै मानवीयता भएको धारणा राखे । सहयोग रकम बुझेपछि सहयोगीदाताहरुलाई धन्यवाद् दिंदै पीडित लक्ष्मी गुरुङले सहयोगको रकमले घर बनाउने बताईन् ।

२९ श्रावण २०७९, आईतवार १९:५५ मा प्रकाशित
Nabintech