Play

नेवा खल कास्कीको अध्यक्षमा पोखराका ब्यबसायी पालिखे पुननिर्बाचित

गुरुकुल खबर


पोखरा, कास्की जिल्लाको बिभिन्न भागमा बसोबास गर्ने नेवार जातीको संस्था नेवा खल कास्कीको अध्यक्षमा पोखराका ब्यबसायी एबम शिक्षासेवी अशोक पालिखे पुनः चयन भएका छन् । शनिबार सम्पन्न अधिवेशनमा उनको एकल उम्मेदवारी परेपछि उनी निर्बिरोध निर्वाचित भएका हुन् । अध्य्क्षमा निर्बाचित पालिखे पोखराका प्रतिष्ठित ब्यबसायी एबम शैक्षिक् व्यक्तित्व समेत हुन।

अधिवेशनबाट निर्बाचित कार्यसमिति सदस्यहरूमा विक्रम उदास, शम्भुलाल श्रेष्ठ, सुरेन्द्रप्रसाद श्रेष्ठ, भैरवलाल श्रेष्ठ र चन्द्रबहादुर राजभण्डारी रहेको बताइएको छ । यस्तै कल्पना श्रेष्ठ, शान्तकुमार श्रेष्ठ, सबिन्द्र श्रेष्ठ, ऋषभ तिमिला र प्रकाशलाल श्रेष्ठ पनि सदस्यमा निर्वाचित भए ।

नवनिर्वाचित अध्यक्ष पालिखेले निर्वाचित सदस्यहरूमध्येबाटै पदाधिकारी मनोनयन गरेका छन् । उनले उपाध्यक्षमा प्रकाशलाल श्रेष्ठ र सबिन्द्र श्रेष्ठलाई मनोनयन गरे । यस्तै महासचिवमा भैरवलाल श्रेष्ठ, कोषाध्यक्षमा चन्द्रबहादुर राजभण्डारी र सचिवमा शम्भुलाल श्रेष्ठ मनोनित भए ।

अधिवेशनको उद्घाटन सत्रमा बोल्दै पालिखेले संस्थाका गतिविधिबारे प्रकाश पारेका थिए । सबै जातीय संस्थासँग सहकार्य गरेर गरिएका कार्यक्रम प्रभावकारी भएको उनले दाबी गरे । संस्था मार्फत नेवारी कला संस्कृतिको संरक्षणमा निरन्तर काम गरिरहेको उनको भनाइ थियो । उद्घाटन सत्रको सञ्चालन महासचिव कृष्ण कतिलाले गरे ।

कार्यक्रममा नेवा खल कास्कीका कार्यसमिति सदस्य, सल्लाहकार, संस्थागत र पदेन तथा आमन्त्रित सदस्यहरूको उपस्थिति थियो । यस्तै नेवा ल्याम्ह पुच, नेवा मिसा पुच, नेवा पत्रकार पुच र नेवा झिगु भाय झिगु संस्कृतिका प्रतिनिधि सहभागी भए । कास्की जिल्लामा रहेका कच खल, पुच खल, नेवा टोल समिति र ताया मचा नाच समिति लगायतका संस्थाबाट पनि सहभागिता रहेको थियो ।

दीपेन्द्र श्रेष्ठको संयोजकत्वमा गठित निर्वाचन समितिको सदस्यमा निरञ्जन श्रेष्ठ, सुरसकुमार मानन्धर र संगीता बज्राचार्य रहेको निर्बाचन समितिले निर्बाचन प्रक्रिया सम्पन्न गरेको बताइएको छ

६ मंसिर २०८३, आईतवार २३:२६ मा प्रकाशित
Nabintech

सूचना तथा प्रसारण विभाग
दर्ता नम्बर : ३११६-२०७८/७९

प्रेस काउन्सिल नेपाल
सुचिकरण नम्बर : ३१४६-२०७८/७९

कम्पनी रजिष्ट्रारको कार्यालय
कम्पनी दर्ता नं. : १७६६५४-२०७४/७५

आन्तरिक राजश्व विभाग
स्थायी लेखा नम्बर : ६०६८६९२०१

गोल्डेन मिडिया ग्रुप प्रा.लि.
गुरूकुल खवर डट कम

प्रधान कार्यालय
पोखरा महानगरपालिका -०५ धवलमार्ग, जिरो किमी, कास्की, गण्डकी प्रदेश

सम्पर्क नम्बर
०६१५७२२२२ कार्यालय
९८२०७०३४४८ विज्ञापन / ९८५६०२२३३२ समाचार

ईमेल
gurukulkhabar@gmail.com
sunaulokhabar@gmail.com

Follow us :
अध्यक्ष/प्रधान सम्पादक :
गंगाधर पराजुली
निर्देशक :
ऋषिराम काफ्ले
सह सम्पादक :
शिराेमणि बराल
प्रतिनिधि :
अर्जुन ओझा