पोखरा, नेपाली कांग्रेसको जारी १५ औं महाधिवेशनमा खुला तर्फको उपसभापति पदमा उम्मेदवारी दिएका कास्कीका देवराज चालिसेले आफ्नो उम्मेदवारी फिर्ता गरेका छन् ।
केहीबेर अघिमात्रै उनले आफ्नो उम्मेदवारी फिर्ता लिएको घोषणा गरेका हुन् । सभापति गगन थापाको आग्रहमा आफूले उम्मेदवारी फिर्ता लिएको उनले बताएका छन् । मंगलवार उनले खुला तर्फको उपसभापति पदमा उम्मेदवारी दिएका थिए ।
गत पुसमा सम्पन्न विशेष महाधिवेशनका क्रममा शेखर कोइरालाको समूह छोडेर गगन थापाको समुहमा जोडिएका चालिसे बिशेष महाधिबेशन पछि पार्टीको प्रवक्ता चुनिएका थिए ।
उनले महाधिबेशन अगाडी आँफु पार्टीको महामन्त्री वा उपसभापति पदमा चुनाब लड्ने भन्दै जिल्लाका कार्यकर्ताहरुलाई आंफ्नो पक्षमा लाग्न आग्रह गरेको थिए । तर उनले मतदान हुनु अगावै आंफ्नो उमेदवारी फिर्ता गरेका छन ।
२१ आश्विन २०८३, बुधबार १६:२० मा प्रकाशित
