पोखरा, नेपाल बाहिर बस्दै आएका कास्कीका केहि कांग्रेस नेताले पनि नेपाली कांग्रेसको १५ औं महाधिबेशनमा केन्द्रीय सदस्यमा उमेदवारी दिने भएका छन। लामो समयदेखि बेल्जियममा बस्दै आएका पूर्ण तिमिल्सिना र बेलायतमा बस्दै आएका बिश्वआदर्श पण्डितले पार्टीको केन्द्रीय सदस्यमा उमेदवारी दिने घोषणा गरेका छन।
तिमिल्सिना र पण्डित दुवैजना कास्की जिल्लाका हुन। उनीहरु दुबैले युरोप क्षेत्रबाट प्रतिनिधित्व गर्ने केन्द्रीय सदस्य पदमा उमेदवारी दिने घोषणा गर्दै सामाजिक संजालबाट प्रचार प्रसार शुरु गरिसकेका छन। तिमिल्सिना नेविसंघ कास्कीका पुर्व अध्यक्ष एबम नेपाली जनसम्पर्क समिति बेल्जियमका पुर्व अध्यक्ष समेत हुन् भने पण्डित पनि नेपाली जनसम्पर्क समिति बेलायत एबम विश्व संजालका नेता हुन।
तिमिल्सिनाले गुरुकुल खबरसंग कुरा गर्दै देश बिदेशका साथीहरुले दिएको सुझाब अनुरुप आंफुले केन्द्रीय सदस्प पदमा उमेदवारी दिने निर्णयमा पुगेको बताए। ‘मैले पार्टी भित्र पुस्तान्तरण र रुपान्तरणको मुद्धा उठाउँदै आएको छु र बेल्जियममा बसेपनि हरेक चुनाबताका नेपालमा आएर कांग्रेसका उमेदवारलाई जिताउने अभियानमा सरिक भएको छु। तसर्थ यस महाधिबेशनमा पार्टीको बिधान अनुरुप केन्द्रीय सदस्यको उमेदवार बन्दैछु।’ उनको भनाई थियो।
यसैगरी विश्वआदर्श पण्डितले आबश्यकता अनुसारको परामर्श र छलफल एबम साथिहरुसंगको परामर्शको आधारमा युरोप क्षेत्रबाट केन्द्रिय सदस्य पदमा उमेदवारी दिने जनाएका छन । शंकरदेव क्याम्पसका स्वतन्त्र बिधार्थी युनियनका पुर्व सभापति एबम नेविसंघका पुर्व कोषाध्यक्ष रहेका पण्डितले आंफुले केन्द्रीय सदस्य पदमा चुनाब लड्ने तयारी गरेको सामाजिक संजाल मार्फत व्यक्त गरेका छन ।
सम्बन्धित समाचार ..
