पोखरा। कास्की प्रहरीले पोखराका दुई छुट्टाछुटै स्थानबाट लागु औषधसहित दुई जनालाई पक्राउ गरेको छ।
रुपन्देही जिल्ला बुटवल उपमहानगरपालिका -४ घर भइ हाल पोखरा महानगरपालिका वडा नं -१६ जैमुरीचोक बस्दै आएका ३२ वर्षीय अनिल खड्की र पोखरा -१७ ड्यामसाइड बस्ने ३५ वर्षीय दिपक भारतीलाई पक्राउ गरिएको कास्की प्रहरीले जानकारी दिएको छ ।
कास्कीका प्रहरी नायव उपरीक्षक तथा प्रहरी प्रवक्ता सुन्दर
तिवारीका अनुसार प्रहरीले खड्कीको साथबाट नाइट्रोभ्याट ८०५ चक्की, डाईजापाम -२१ एम्पुल, फेनारगन – २० एम्पुल र नुर्फिन- २१ एम्पुल गरी जम्मा ६२ एम्पुल लागु औषध वरामद गरेको छ भने, भारतीको साथबाट डाईजापाम -१८ एम्पुल, फेनारगन -१८ एम्पुल र नुर्फिन -१८ एम्पुल गरि जम्मा ५४ एम्पुल लागु औषध वरामद गरेको छ।
पक्राउ परेका उनीहरुमाथि लागु औषध सम्बन्धी कसुरमा जिल्ला अदालत कास्कीबाट ७ र १० दिनको म्याद थप गरी अनुसन्धान कार्य अगाडि बढाइएको प्रवक्ता तिवारीले बताए।
