पोखरा, काठमाडौंबाट हेटौंडा जोड्ने छोटो राजमार्ग अन्तर्गत मकवानपुरको भीमफेदी गाउँपालिकाको जुरीखेतमा भएको जिप दुर्घटनामा परी घाइते भएका मध्ये ६ जनाको मृत्यु भएको छ । मकवानपुरका प्रहरी नायब उपरिक्षक पुष्कर बोगटीका अनुसार मृतकहरुको पहिचान खुल्न सकेको छैन।
काठमाडौंबाट हेटौंडातर्फ जाँदै गरेको ना १ ज १७७८ नम्बरको जिप आइतबार साँझ भीमफेदी गाउँपालिका–६ जुरीखेतमा दुर्घटना भएको थियो।
नौ जना सवार रहेको जिप सडकबाट करिब एकसय मिटर तल खोल्सामा खसेर दुर्घटना भएको थियो । घटनास्थलबाट घाइतेलाई उद्धार गरी प्रहरीले उपचारका लागि हेटौंडा पठाएको थियो ।
२० पुष २०८२, आईतवार २१:०२ मा प्रकाशित
