पोखरा, युनाइटेड क्लब पोखराले आयोजना गर्ने १४ औं संस्करणको पोखरा महोत्सव आगामी पुषको २९ देखि माघको ११ गते सम्म हुने भएको छ । युनाइटेड क्लब पोखराको १६ औं साधारण सभाले उक्त निर्णय गरेको हो महोत्सब पोखराको अमरसिंह चौरमा हुनेछ साधारण सभामा बोल्ने बक्ताहरुले युनाइटेड क्लब पोखराले आयोजना गर्ने पोखरा महोत्सव पोखरेलीको महोत्सव भएको र महोत्सबबाट प्राप्त हुने आम्दानी बाट क्लबले सामाजिक काम गर्दै आइरहेकाले अब हुने महोत्सबमा पनि सबैको सहयोग र समर्थन रहने बिश्वास ब्यक्त गरेका थिए ।

साधारण सभामा वोल्दै युनाइटेड क्लब पोखराका संस्थापक अध्यक्ष हिमालय बख्रेलले युनाइटेड क्लबले सामाजिक कामका लागि पोखरा महोत्सवलाई निरन्तरता दिदै आइरहेको र अब हुने महोत्सवमा समेत सवैको साथ र सहयोग रहने बताए  । उनले युनाइटेड क्लब पोखरालाई राष्ट्रियस्तरको क्लव बनाउने अभियानमा लाग्न क्लबको जिम्मेवारीमा रहेका पदाधिकारीलाई आग्रह गरे ।  क्लबले हाल लेखनाथको अर्चलेमा आफ्नै जग्गामा आवासिय छात्राबास निर्माणको काम अगाडी बढाएको र आगामी वर्ष ५ जना छात्राहरु राखेर छात्राबासको सुरुवात गरिने उनको भनाई थियो ।

युनाइटेड क्लव पोखराका निवर्तमान अध्यक्ष राजु श्रेष्ठले क्लबले १६ वर्षको यात्रा  तय गर्दा आगामी दिनमा शिक्षा क्षेत्र र आवाशिय छात्राबास निर्माणलाई नै जोड दिनुपर्ने धारणा राखे । सामाजिक कामकै कारण युनाइटेड क्लबको पहिचान स्थानीयस्तरमा र राष्ट्रियस्तरमा पनि बढेको बताए  ।

युनाइटेड क्लबका परिकल्पनाकार आनन्द थापाले अमरसिंह वरपरका युवाहरुलाई समेटेर स्थापना भएको युनाइटेड क्लब उद्देश्य अनुरुप अगाडी वढेको भन्दै खुसि प्रकट गरे । आफुले १६ वर्ष अगाडी देखेको सपना बिस्तारै साकार हुदै गएको उनको भनाइ थियो ।

साधारण सभामा क्लबका अध्यक्ष लोक बहादुर थापाले अध्यक्षको प्रतिवेदन, महासचिव दिनेश सुनारले महासचिवको प्रतिवेदन र कोषाध्यक्ष जयराम आचार्यले कोषाध्यक्षको प्रतिवेदन प्रस्तुत गरेका थिए । कार्यक्रममा क्लबका वरिष्ठ उपाध्यक्ष गणेश तिमिल्सिनाले स्वागत मन्तब्य राखेका थिए भने क्लबका महासचिव दिनेश सुनारले कार्यक्रमको सञ्चालन गरेका थिए ।