पोखरा, गणेशमान सिंह फाउन्डेसन गण्डकी प्रदेश समितिले मंगलवार पोखरामा एक कार्यक्रम आयोजना गरि गण्डकी प्रदेश सभामा नेपाली काँग्रेसको तर्फबाट समानुपातिक सांसद बनेकी सुनिता थापा र उच्च अदालत बार एसोसिएसन पोखराको अध्यक्षको जिम्मेवारी लिएका शालिग्राम भट्टराईलाई सम्मान गरेको छ।

सुनिता थापाको श्रवण शक्ति गुमेको भए पनि बोल्ने र लेख्ने क्षमता भएकी गण्डकी प्रदेश सांसद हुन।

फाउन्डेसनको प्रदेश समितिका अध्यक्ष दुर्गाप्रसाद तिमिल्सिनाको अध्यक्षतामा उक्त कार्यक्रम सम्पन्न भएको थियो।

नेपाल प्रजातन्त्र सेनानी संघका केन्द्रिय सदस्य शोभाचन्द्र बराल, जेष्ठ नागरिक प्रेमराज अधिकारी र फाउन्डेसनका प्रदेश सदस्य कुमार राना लगायतले फाउन्डेसनका बिबिध गतिबिधिको बारेमा चर्चा गर्दै सम्मानित दुवैजना व्यक्तित्वको बारेमा जानकारी गराएका थिए ।