Play

कास्की आदर्श समाज बहराइनद्वारा माछापुच्छ्रेको देउराली स्कुलमा बिद्यालय पोशाक बितरण

गुरुकुल खबर


पोखरा, कास्की जिल्लाबाट विभिन्न पेशा वा ब्यबसायको लागि बहराईनमा पुगेका कस्केलीहरुको संस्था कास्की आदर्श समाज बहराईनले कास्कीको माछापुछ्रे गाउँपालिका -४ लाहाचोक, भिरकटेरामा रहेको देउराली आधारभूत बिद्यालयमा अध्ययनरत बिद्यार्थीहरुलाई बिधालय पोशाक वितरण गरेको छ। उक्त बिद्यालयमा अध्ययनरत कक्षा १ देखी कक्षा ७ सम्मका ५५ जना छात्र छात्राहरूलाई बिद्यालय पोशाक  (ट्रयाकसुट र टिसर्ट) बितरण गरिएको हो ।

कस्केलीको एकता आजको अपरिहार्यता, समाजसेवा र बिकासमा हाम्रो सहभागिता” भन्ने नाराका साथ सन २०१९ जुलाईमा स्थापित कास्की आदर्श समाज बहराइनले आफ्नो स्थापनाकाल देखि नै विभिन्न सामाजिक कामहरु गर्दै आइरहेको र त्यसको निरन्तरता स्वरूप आइतबार बिधालय पोशाक वितरण गरिएको जनाइएको छ

कास्की समाजको प्रतिनिधित्व गर्दै कास्की आदर्श समाज नेपालका अघ्यक्ष बिश्वबन्धु थापा, बरिष्ठ उपाध्यक्ष पुजा गिरि, कोषाध्यक्ष शिब गिरिसहितका पदाधिकारी र कास्की आदर्श समाज अन्तराष्ट्रिय परिषदका उपाध्यक्ष सन्तोष तिमिल्सिना, सचिव बिकासराज बराल, लगाएतले बिद्यार्थीहरुलाई पोशाक बितरण गरेका थिए।

बिद्यालयका बिद्यार्थीहरुको नतिजा प्रकाशनको दिन पारेर आयोजना गरिएको उक्त कार्यक्रममा बिद्यालय ब्यबस्थापन समिती, स्थानीय जनप्रतिनिधिहरु, स्थानीय सामाजिक कार्यकर्ताहरु, बिद्यार्थि र अभिवाकहरू, बिद्यालयका प्रधानाध्यापक सहित शिक्षक शिक्षिकाहरूको सहभागिता रहेको थियो ।

२१ चैत्र २०८१, बिहीबार १५:५२ मा प्रकाशित
Nabintech
  • सुचना विभाग दर्ता न. : ३११६-२०७८/७९
  • गोल्डेन मिडिया ग्रुप प्रा.लि. द्वारा संचालित
  • कार्यालय : पोखरा -०५, गण्डकी प्रदेश, कास्की
  • सम्पर्क नं. : 061-531533 / 9856022332
  • इमेल : [email protected]
Follow us :
अध्यक्ष/प्रधान सम्पादक :
गंगाधर पराजुली
निर्देशक :
ऋषिराम काफ्ले
सम्पादक :
रिता गुरूङ
सह सम्पादक :
शिराेमणी बराल
प्रतिनिधि :
अर्जुन ओझा