पोखरा, त्रिभुवन विश्वबिद्यालय अन्तर्गतका आंगिक तथा आबद्द क्याम्पसमा आगामी चैत्र ५ गते हुने स्वतन्त्र बिद्यार्थी युनियनको निर्बाचनको लागि उमेद्वारी दर्ता गर्ने कार्यक्रम अन्तर्गत पोखराका विभिन्न क्याम्पसमा पनि बिद्यार्थी संगठनहरुले आआफ्नो उमेद्वार दर्ता गराएका छन।

जस अनुसार पोखराको पृथ्वीनारायण क्याम्पसमा हुने निर्बाचन अन्तर्गत प्रत्यक्ष निर्बाचित हुनको लागि विभिन्न संगठनका ५८ जनाले र समानुपतिक तर्फबाट निर्बाचित हुनका लागि ६५ जनाले उमेद्वारी दर्ता गराएको क्याम्पसको निर्बाचन समितिले जानकारी दिएको छ।

विभिन्न बिद्यार्थी संगठनहरुले विभिन्न पदमा दिएको उमेद्वारीलाई लिएर निर्बाचन समितिका संयोजक डा. रामचन्द्र पोखरेलद्वारा सार्बजनिक गरिएको नामावली यस प्रकार रहेको सोहि क्याम्पसका प्राध्यापक बोधराज ढकालले गुरुकुल खबरलाई जानकारी दिएका छन ।