पोखरा, पोखरा महानगरपालिका वडा न. ६ बैदामको स्ट्रिट न. ३ मा गएराती भएको एक दुर्घटनामा दुईजना युवाको ज्यान गएको छ। उक्त स्ट्रिटबाट शहिदचोकतर्फ आउँदै गरेको ग १३ प ६७१९ नं. को मोटरसाइकल सडक छेउमा रहेको सोलारको पोलमा ठोकिन गई दुर्घटना हुँदा मोटरसाइकलमा सवार दुईजनाको मृत्यु भएको कास्की प्रहरीले जनाएको छ।

राति करिब १ बजे तिर भएको उक्त दुर्घटनाममा घाइते भएका पोखरा महानगरपालिका वडा नं. २४ कास्कीकोट बस्ने
२१ बर्षीय सफल रानाभाट र मोटरसाइकलको पछाडी बस्ने पोखरा -८ सिमलचौर बस्ने २१ बर्षीय सुजल अधिकारी दुबैजनाको उपचारको क्रममा रातो सबा दुई बजे तिर निधन भएको प्रहरीले जनाएको छ ।

गण्डकी मेडिकल कलेज अस्पतालमा उपचारको लागि लगिएका उनीहरुलाई राति सवा दुई बजे डाक्टरले मृत घोषणा गरेको कास्की प्रहरीले जानकारी दिएको छ ।

घटनास्थलमा पुगेको वडा प्रहरी कार्यालय बैदाम कास्कीबाट खटिएको प्रहरी टोलीले दुर्घटनाग्रस्त मोटरसाइकल
नियन्त्रणमा लिएको र आबश्यक अनुसन्धान गर्दै रहेको प्रहरीले जनाएको छ।