पोखरा, नेपाली काँग्रेस कास्की -१ को प्रदेश ख को सभापतिमा अर्जुन गुरुङ निर्बाचित भएका छन। अर्जुनले आफ्ना प्रतिद्वन्दी याम गुरुङलाई फराकिलो मतान्तरमा पराजित गरेका थिए। अर्जुनले ३१२ मत पाउँदा यामले अ६२ मत मात्र पाएका थिए।
उनले यस अगाडी कांग्रेसको १४ औं महाधिबेशनमा पनि सोहि पदमा प्रतिष्पर्धा गरेकोमा कृष्ण कोइरालासंग पराजित हुनुपरेको थियो । अर्जुन नेपाली कांग्रेस कास्की जिल्ला कार्यसमितिको पुर्व सदस्य पनि हुन्।
प्रदेशको उपसभापति पदमा लोकप्रसाद गुरुङले हुमनाथ अधिकारीलाई १ मतको अन्तरमा पराजित गरेका छन। गुरुङले २३३ मत पाउँदा अधिकारीले २३२ मत मात्र पाएका थिए ।
यसैगरी सचिबमा किरण अधिकारीले २९६ मत पाएर बिजयी हुँदा उनका प्रतिद्वन्दी दुर्गे परियारले १३७ मत मात्र पाएका थिए । प्रदेश कार्य समितिको अन्य पदमा भने निर्बिरोध भएको थियो ।
उक्त निर्बाचन क्षेत्रको प्रदेश क मा भने नरेन्द्र थापा निर्बिरोध निर्बाचित भएका छन त्यस प्रदेशमा ध्रुब नेउपाने, मुराहरी कोइराला लगायत ४ जनाले प्रदेश सभापति बन्ने चाहना राखेको भएपनि बिभिन्न कारण देखाउंदै कृष्ण केसी र दिपक माइलाको पहलमा नरेन्द्रलाई निर्बिरोध बनाइएको बताइएको छ।
