पोखरा, पोखराका फोटो पत्रकार एबम नेपाल फोटो पत्रकार संघ कास्कीका निवर्तमान सचिव उमेश पुनलाई मातृशोक परेको छ । उनकी आमा भिम कुमारी पुन (भमु) को ७० वर्षको उमेरमा निधन भएको हो ।
पारिवारिक स्रोतका अनुसार पुनको साउन १९ गते मंगलवार निधन भएको हो । मृगौला रोगबाट पिडित उनको केही समयदेखि काठमाडौं स्थित मेडिसिटी अस्पतालमा उपचार भइरहेको थियो ।
उपचारकै क्रममा काठमाडौँमा उनको निधन भएको र मंगलबार नै काठमाडौंमै अन्त्येष्टी गरिएको बताइएको छ।
स्वर्गीय पुनको श्रीमान्, १ छोरा र २ छोरी छन् । दिवंगत पुनका छोरा उमेश पुन पोखरामा रहेर फोटो पत्रकारिताका माध्यमबाट पत्रकारितामा सक्रिय रहँदै आएका छन ।
फोटो पत्रकार पुन नेपाल प्रेस युनियन कास्कीका सदस्य समेत हुन। यसै बीच नेपाल प्रेस युनियन कास्की, नेपाल पत्रकार महासंघ कास्की र नेपाल फोटो पत्रकार महासंघ कास्की लगायतका संस्थाले शोक बिज्ञप्ती जारी गर्दै स्व. पुन प्रति श्रद्दान्जली र परिवारमा समबेदना प्रकट गरेका छन ।
