एजेन्सी, बहुप्रतिक्षिति विश्वकपको उपाधि स्पेनले जितेको छ। यस अगाडिको बिजेता अर्जेन्टिनालाई १-० गोलको अन्तरले पराजित गर्दै स्पेनले  अर्जेन्टिनालाई हराएर फिफा विश्वकप २०२६ को उपाधि जित्न सफल भएको हो।

अमेरिकाको न्युयोर्कस्थित न्यु जर्सी स्टेडियममा भएको फाइनल खेलमा अर्जेन्टिनालाई १–० ले पराजित गर्दै स्पेनले १६ वर्षपछि विश्वकपको उपाधि जितेको हो । अर्जेन्टिनाले यस अगाडी अर्थात २०२२ को विश्वकप जितेको थियो भने स्पेनले २०१० को बिश्वकप आंफ्नो पोल्टामा पारेको थियो ।

स्पेनलाई उपाधि जिताउन फेरान टोरेसले गरेको गोल नै पर्याप्त बन्यो । टोरेसले खेलको १०६औं मिनेटमा स्पेनका लागि गोल गर्दै अग्रता दिलाएका थिए । निर्धारित ९० मिनेटमा दुवैतर्फबाट गोल हुन नसकेपछि खेल अतिरिक्त समयमा धकेलिएको थियो ।

निर्धारित समयको अन्तिम समयमा एन्जो फर्नान्डेजले दोहोरो पहेँलो कार्ड पाउँदै मैदान बाहिरिएपछि अर्जेन्टिना १० खेलाडीमा सीमित भएको थियो । अतिरिक्त समयको दोस्रो हाफको सुरुवातमै स्पेनले अग्रता लिँदै उपाधि हात पार्‍याे । स्पेनले खेलको अधिकांश समय अर्जेन्टिनालाई दबाबमा राख्न सफल भएको थियो ।