पोखरा, नेपाली कांग्रेसका सभापति गगन थापाले सार्बजनिक यातायात सेवालाई सुधार गर्न केहि प्रारम्भिक योजनाहरू सार्वजनिक गरेका छन्। ‘घण्टौँको जाम, सडकमा उड्ने धुलो र असुरक्षित यात्रा हाम्रो देशको सार्वजनिक यातायातको प्रमुख समस्या हो ।’ थापाले भनेका छन।

‘साना र अव्यवस्थित सवारीमा निर्भर प्रणाली, एकीकृत नभएको रुट परमिट र भाडा व्यवस्था साथै राजधानीमै कामकाजी नागरिक समयमै कार्यालय पुग्न नसक्ने अवस्था’ सार्बजनिक यातायात सेवामा यस्ता समस्याको समाधान गर्न हाम्रो सार्वजनिक यातायातमा व्यापक सुधारको आवश्यकता छ।’ उनको भनाई छ ।

सामाजिक सञ्जाल मार्फत भिडियो सन्देश दिँदै उनले सार्वजनिक यातायात सुधारका लागि एकीकृत प्राधिकरणको अवधारणा पेश गरेका छन् ।सरकार, सार्वजनिक निकाय र निजी क्षेत्रको सहकार्यमा यातायात सेवा सञ्चालन गर्नुपर्नेमा उनले जोड दिएका छन।

सार्वजनिक यातायातलाई सुरक्षित, भरपर्दो र व्यवस्थित बनाउनु अपरिहार्य रहेको चर्चा गर्दै उनले त्यसका लागि आफूहरूले ठोस तयारी गरिरहेको बताएका छन ।

सार्वजनिक यातायातबाट जनता जति पीडित छन्, त्यो अनुसारको प्राथमिकता र संवेदनशीलता नदेखिएको अनुभूति ब्यक्त गर्दै कांग्रेस सभापति थापाले सार्वजनिक यातायातमा व्यापक सुधारको आवश्यकता रहेको समेत बताएका छन ।