पोखरा, राष्ट्रिय बाणिज्य बैंकको पृथ्वीचोक शाखाका प्रमुख एबम चापाकोट पोखरा सेवा समाज, कास्कीका कोषाध्यक्ष हरिराम पराजुली समेतलाई मातृशोक परेको छ।
उनकी आमा सामाजिक एबम धार्मिक व्यक्तित्व टिकादेबी पराजुलीको ७५ बर्षको उमेरमा उपचारको क्रममा निधन भएको छ। पोखरा महानगरपालिका -२३ चापाकोट पुरानो घर भएपनि उनि केहि बर्षदेखी एक छोरासंग पोखरा महानगरपालिका -२४ पामेमा बस्दै आएकी थिईन।
लामो समयदेखि दमको बिरामी रहेकी टिकादेबीलाई अघिल्लो साता दमले च्यापेपछि पोखराको मणिपाल अस्पतालमा उपचारको लागि भर्ना गरिएको थियो । ५ दिनसम्म भेन्टिलेटरमा राखेर उपचार गर्ने क्रममा शुक्रबार राती सवा १२ बजे उनको निधन भएको थियो ।
स्व. पराजुलीका पांच छोरा र एक छोरी रहेकोमा छोरी लक्ष्मी पराजुली भट्टराईको यस अगाडी नै निधन भैसकेको छ। छोराहरु राजु पराजुली, दुर्गादत्त पराजुली, श्रवणकुमार पराजुली, हरिराम पराजुली र गंगाधर पराजुली रहेकोमा दुर्गादत्त बैदेशिक रोजगारीमा छन। हरिराम राष्ट्रिय बाणिज्य बैंकको पृथ्वीचोक शाखाको प्रबन्धक पदमा कार्यरत छन भने गंगाधर पोखराको स्क्वायर मोटरसमा कार्यरत छन ।
