पोखरा, कृषि विकास बैंकले सेयर धनीका लागि १३ प्रतिशत लाभांश घोषणा गरेको छ। कृषि बिकास बैंकको संचालक समितिको बुधबार बसेको बैठकले सेयरधनीलाई करसहित ९.७५ प्रतिशत नगद र ३.२५ प्रतिशत बोनस सेयर दिने निर्णय गरेको हो।

साथै बैठकले नेपाल सरकारको हाल कायम भएको फिर्ता नहुने अग्राधिकार शेयर पूँजीमा समेत वार्षिक ६ प्रतिशतले हुने नगद लाभांश रकम प्रदान गर्ने निर्णय गरेको छ।

बैंकको लाभांश नेपाल राष्ट्र बैंकले स्वीकृति दिएपछि र बैंकको आगामी साधारणसभाले पारित गरेपछि मात्र लगानीकर्ताहरूमा वितरण हुनेछ।

बैंकको लाभांश दर यसअघिको भन्दा बढेको हो। गत वर्ष बैंकले तीन प्रतिशत बोनस सहित कुल १०.५३ प्रतिशत लाभांश दिएको थियो।  अहिले बैंकको सेयर तीन सय १७ रूपैयाँमा कारोबार भइरहेको हो।