पोखरा, नेपालीहरुको महान पर्ब बिजया दशमीको आगमनसंगै सरकारले यात्रुवाहक सवारी साधनको लागि सोमबारदेखि रुट परमिट खुला गर्ने निर्णय गरेको छ । यो निर्णयसंगै अब यातायात ब्यबसायीहरुले आआफ्नो अनुकुल रुटमा निर्बाध रुपमा यात्रुबाहक सवारी साधन संचालन गर्न पाउने भएका छन ।

दशैंको घटस्थापनादेखि पूर्णिमाको पर्सिपल्टसम्म अर्थात (असोज ६ गतेदेखि २२  गते) सम्म नेपालभर लागू हुनेगरी रुट परमिट खुला गरिएको यातायात व्यवस्था विभागले जनाएको छ । तर विशेष परिस्थितका कारण निषेध गरिएका सार्वजनिक सवारीलाई भने बन्देज नै गरिएको विभागले जनाएको छ ।

त्यस्तै, बुटवल–नारायणघाट सडक खण्डको दाउन्ने क्षेत्रमा दसैँ अवधिभर ठुला मालवाहक सवारी (१२ चक्के वा सोभन्दा माथि) सञ्चालन नगर्ने तर खाद्यान्न लगायतका अत्यावश्यक सामग्री ढुवानी गर्ने सवारीलाई भने निरन्तर सञ्चालन गर्न दिइने समेत विभागले जनाएको छ ।