न्युयोर्क, अमेरिकाको न्यूयोर्कमा नेपाली समुदायका सामाजिक गतिविधिहरूलाई तिव्रता दिन थप पहल गरिएको छ। संयुक्त राष्ट्रसंघ न्यूयोर्कका लागि नेपालको स्थायी प्रतिनिधि लोक बहादुर थापा र संयुक्त राज्य अमेरिकाको नेपाली समुदाय समन्वय समिति बीच भएको भेटघाटले यसलाई उचाइमा पुर्याएको छ।
भेटघाटले विशेष गरी अमेरिकामा रहेका नेपालीहरूको मुद्दाहरू, संस्कृति, र पहिचानको प्रवर्द्धनमा महत्वपूर्ण छलफलहरू गरेको छ। भेटघाटमा समन्वय समितिका अध्यक्ष बाबुराम शर्माको नेतृत्वमा गएका प्रतिनिधिहरूले नेपाली समुदायको आवश्यकताहरू, उनीहरूले सामना गर्नुपर्ने चुनौतीहरू र आगामी योजनाहरूको बारेमा स्थायी प्रतिनिधि थापासँग बृहत् छलफल गरेका छन्।
प्रतिनिधिमण्डलमा न्यूयोर्कस्थित नेपाली समुदायका प्रमुख नेताहरू वेद खरेल, विश्वराज बास्तोला, टिका ढकाल, मोहन क्षेत्री, शंकर भण्डारी र निर्मल थपलिया सहभागी थिए।
भेटघाटको क्रममा समन्वय समितिले नेपालको स्थायी नियोगसँग सहकार्य गर्दै नेपाली समुदायको पहिचान र सम्मानलाई अझ सुदृढ बनाउने प्रतिबद्धता व्यक्त गरेको छ। दुवै पक्षबीचको यस सशक्त सहकार्यले आगामी दिनमा नेपाली समुदायको विकास, स्थायित्व, र एकता कायम राख्न महत्वपूर्ण योगदान पुर्याउने अपेक्षा गरिएको छ।
स्थायी प्रतिनिधि लोक बहादुर थापाले समन्वय समितिले गरेका कार्यहरूको प्रशंसा गर्दै भविष्यमा पनि नेपाल र नेपाली समुदायको हितमा निरन्तर सहयोग गर्ने प्रतिबद्धता व्यक्त गरेका छन्।
भेटघाटले नेपाली समुदायमा सकारात्मक ऊर्जा र उत्साह भरेको छ, जसले आगामी गतिविधिहरूमा थप सक्रियता र सहभागिता बढ्ने अपेक्षा गरिएको अमेरिकाबाटटिकाराज ढकालले गुरुकुल खबरलाई जानकारी दिएका छन।
