पोखरा, गण्डकी प्रदेश सरकारले ऋषिपञ्चमीको दिन महिला कर्मचारीलाई दिंदै आएको सार्वजनिक बिदालाई कटौती गरेको छ। नेपाली काँग्रेसका नेता सुरेन्द्रराज पाण्डेको नेतृत्वमा नेकपा एमाले समेतको सहभागितामा बनेको सरकारले महिलाहरुले उपभोग गर्दै आएको सार्बजनिक बिदामा कटौती गरेको हो।
नेपाली महिलाहरुको महत्वपुर्ण सांस्कृतिक एबम परम्परागत पर्ब हरितालिका तीजको दिनपछि महिलाहरुलाई नदीमा गएर स्नान गर्न, दतिवन खाने परम्परालाई निरन्तरता दिनको लागि बिगत देखि नै ऋषिपंचामिको दिन सार्बजनिक बिदा दिने गरिएको थियो।
यसपटक भने गण्डकी प्रदेश सरकारको तर्फबाट सूचना अधिकारी प्रवीण ढकालले एक सूचना जारी गर्दै २०८२ भदौ १२ गते बिहीबार अर्थात ऋषि पञ्चमीको दिन सार्वजनिक बिदा (महिला कर्मचारीलाई समेत) नरहेको उल्लेख गरेका छन।’यद्यपी गण्डकी प्रदेशको राजपत्रमा पनि उक्त बिदा समावेश भने छैन ।
कोशी प्रदेशले भने राजपत्रमै ऋषिपञ्चमीका दिन महिलाहरूलाई बिदा हुने उल्लेख गरेको छ । कोशीमा हरितालिका तिजको दिनमा भने बिदा छैन ।
