पोखरा, पोखराको पहिलो सामुदायिक क्याम्पस पोखरा बहुमुखी क्याम्पसले वार्षिक शैक्षिक क्यालेण्डर अनुसारको कविता वाचन प्रतियोगिता सम्पन्न गरेको छ । प्रतियोगिता क्याम्पसमा रहेका विद्यार्थी संगठनहरु नेचर क्लव, विद्यार्थी गुणस्तर सर्कल र विद्यार्थी कल्याणकारी संघले संयुक्त रुपमा आयोजना गरेका हुन।

शुक्रबार आयोजित कविता प्रतियोगितामा बिए र बिबिएसमा अध्ययनरत ८ जना बिद्यार्थीहरुले सहभागिता जनाएका थिए। प्रतियोगिहरुले कवितामा देशप्रेम, प्रकृति चित्रण, मातृत्व, यथार्तता र समसामायिक अबस्थाको चित्रण गर्दै कबिता बाचन गरेका थिए।

कविता प्रतियोगितामा बिबिएस प्रथम वर्षकी सुरक्षा तिवारीले प्रथम स्थान, बिए दोश्रो वर्षकी प्रनिषा गुरुङले द्वितीय स्थान र बिबिएस दोश्रो वर्षकी सिता थापाले तृतीय स्थान प्राप्त गरेका थिए । प्रतियोगिताका उत्कृष्ट तिन जनालाई कलम, डायरी र तथा सबै प्रतियोगीहरुलाई प्रमाणपत्र प्रदान गरिएको थियो।

कार्यक्रममा क्याम्पस प्रमुख शिशुकला पराजुली, मानविकी संकाय प्रमुख पुष्पराज अधिकारी, बिए तेश्रो वर्षमा अध्ययनरत विवेक गौतम र बिए प्रथम वर्षमा अध्ययनरत शुशिल खनालले पनि कविता वाचन गरेका थिए । यस्तै बिए दोश्रो वर्षमा अध्यनरत सुर्य सुनार र सृष्टि थापाले गीत गाएर मनोरञ्जन दिलाएका थिए।