पोखरा । नेपाल प्रेस युनियन गण्डकी प्रदेशले पहिलो स्थापना दिवस पोखरामा मनाएको छ । पोखरामा रहेका अग्रज तथा सहकर्मी पत्रकारहरुका माझ प्रदेश अध्यक्ष टंकराज अधिकारीले प्रेसलाई कुण्ठित गर्ने मनसायका साथ स्वतन्त्र प्रेस माथि अहिले पनि आक्रमण रहेको हुंदा यस तर्फ चनाखो हुन आग्रह गरे ।

अध्यक्ष अधिकारीले प्रजातन्त्रबादी पत्रकारहरुले पेशागत सुरक्षा, ट्रेड युनियन अधिकार, र स्वतन्त्र प्रेसका लागी कसैसंग सम्झौता हुन नसक्ने जिकिर समेत सो अवसरमा ब्यक्त गरे ।

युनियनको गत बर्ष आजकै दिन प्रदेश अधिवेशन सर्वसम्मतरुपमा सम्पन्न भएको थियो । त्यसै दिनलाई प्रदेश समितीले स्थापना दिवसको रुपमा मनाएको हो ।