पोखरा, भारि मात्रामा इन्धनको मूल्य बढाउने नेपाल आयल निगमको निर्णय कार्यान्वयन नहुने भएको छ । प्रधानमन्त्री पुष्पकमल दाहाल प्रचण्डले पेट्रोलियम पदार्थमा भएको मूल्यवृद्धि फिर्ता गरिएको बताएका छन् ।
प्रतिनिधि सभा बैठकलाई आइतबार सम्बोधन गर्दै प्रधानमन्त्री दाहालले आसन्न चाडबाड र उपभोक्ता हितलाई ध्यान दिँदै पेट्रोलियम पदार्थमा भएको मूल्यवृद्धि फिर्ता गरिएको अवगत गराए ।
नेपाल आयल निगमले शनिबार पेट्रोलियम पदार्थमा मूल्यवृद्धि गरेको थियो। चाडबाडको मुखमा मूल्यवृद्धि भएको भन्दै सरकारको चौतर्फी विरोध भएको थियो ।
आइतबार नै बसेको मन्त्रिपरिषद बैठकमा पनि यसबारे छलफल भएको र प्रधानमन्त्री दाहालले निगमलाई मूल्यवृद्धि फिर्ता लिन भनेपछि मूल्य पूर्ववत कायम हुन पुगेको जनाइएको छ ।
१४ आश्विन २०८०, आईतवार १४:२७ मा प्रकाशित
