पोखरा, पोखरा ८ बस्ने दिक्षित तुलाचनबाट प्रहरीले ठूलो परिमाणमा लागू औषध बरामद गरी उनलाई पक्राउ गरेको जनाएको छ ।
यही साउन १४ गत लागू औषध नियन्त्रण व्युरो शाखा कार्यालय पोखरा, वडा प्रहरी कार्यालय बैदाम र जिल्ला प्रहरी कार्यालय कास्कीको समन्वयमा खटिएको प्रहरी टोलीले तुलाचनलाई पक्राउ गरेको जिल्ला प्रहरी कार्यालय कास्कीले जनाएको छ ।
प्रहरीले तुलाचनको कोठामा खानतलासी गर्दा ८ ग्राम ब्राउन सुगर जस्तो देखिने पदार्थ, लागू औषध ब्रुफिनुर्फिन ६७ एम्पुल, डाईजापाम ७० एम्पुल, फेनेरागन ६७ एम्पुल गरी जम्मा २०४ एम्पुल र लागू औषध गाजा ४७० ग्राम, नाईट्रोभ्याट ३०५ ट्याब्लेट, डिजिटल तराजु २ थान र मोवाईल १ थान सहित फेला पारेको जनाइएको छ ।
कास्की जिल्ला अदालतबाट लागू औषध सम्बन्धी मुद्दामा म्याद थप गरी अनुसन्धान प्रकृया अगाडी बढाइएका जिल्ला प्रहरी कार्यालय कास्कीका प्रहरी नायव उपरीक्षक श्रवणकुमार विकले जनाएका छन् ।
