पोखरा । सिद्ध पब्लिक कलेज पोखरा–१५, नयाँगाउँले नव आगन्तुक विद्यार्थीहरुलाई स्वागत कार्यक्रमको आयोजना गर्यो।
कार्यक्रममा विविएस प्रथप बर्षमा नयाँ भर्ना भएका विद्यार्थीहरुलाई स्वागत गरिएको थियो ।
क्याम्पस स्थापनाकालिन समयका तदर्थ समितिका अध्यक्ष एवं समाजसेवी भेषराज गौतमले कार्यक्रमके उद्घाटन गर्दै समुदाय स्तरबाट सञ्चालित गैर नाफामुलक क्याम्पसले समुदायको हितलाई नै केन्द्रमा राखेर आगामी दिनहरुमा थप गुणस्तरीय शिक्षामा जोड दिंदै जाने बताए। उनले समयको मागलाई ध्यान दिंदै कम शुल्कमा व्यवहारीक एवं स्तरीय शिक्षामा जोड दिनुनै आफ्नो र क्याम्पसको एकमात्र चाहना रहेकोे बताए ।
पोखरा महानगरपालिका वडा नम्बर १५ का वडा अध्यक्ष तोरण बहादुर बानियाँले सिद्ध पब्लिक कलेज वडा भित्रको एकमात्र सामुदायिक कलेज भएको हुनाले यसलाई शैक्षिक एवं भौतिकरुपमा अब्बल बनाउन वडाकातर्फबाट निरन्तर सहयोग रहने प्रतिबद्धता व्यक्त गए।
कलेज प्रमुख भिमराज पुनले सिद्ध पब्लिक कलेजलाई प्राविधिक शिक्षातर्फ जोड दिने आफूहरुको योजना रहेको बताए ।
कार्यक्रममा श्री सिद्ध माविका पूर्व प्रधानाध्यापक तथा कलेजका सिनेटर सदस्य शंकर ज्ञवालीले मुक्तक मार्फत कलेजबाट प्राप्त हुनसक्ने सकारात्क उर्जाका बारेमा दर्शाएका थिए ।
यसैगरी कार्यक्रममा स्थानीय प्रतिभा टोल आमा समुहकी अध्यक्ष भगवती खड्काले क्याम्पसलाई समुदायको सँधै साथ र सहयोग रहने प्रतिबद्धता व्यक्त गरिन् । विद्यार्थीद्धय अस्मिता गौतम र सोनी पुनले सञ्चालन गरेको कार्यक्रममा विविएस चौथो बर्षकी सञ्चिता भट्टले स्वागत मन्त्व्य राखेकी थिइन् भने पूर्व विद्यार्थीकातर्फ एलिसा विक र नव आगन्तुक विद्यार्थीकातर्फबाट विविएस प्रथमबर्षकी रेणु रानाले आफ्ना भनाई राखेका थिए ।
विद्यार्थीहरु ज्ञानु राई, आशा पुन, सृजना लम्साल, सजना प्रजा, निमा नेपाली, निर्जला मल्ल र आरोही थापा मगरले विभिन्न गीतहरुमा नृत्य प्रस्तुत गरेका थिए ।
यस्तै कार्यक्रमका अवसरमा कलेजका नयाँ सिनेटर सदस्यहरुलाई कलेजका अध्यक्ष युवा पण्डित कमल नयन गौतम, प्रमुख अतिथी भेषराज गौतम एवं कलेज प्रमुख भिमराज पुनले संयुक्तरुपमा कलेज सिनेटरको प्रमाणपत्र वितरण गरेका थिए ।
नयाँ सिनेटर सदस्यहरु तोयनाथ सिग्देल, गुमादेवी बानियाँ, दल बहादुर सुनार, फ्रयाङ्कलिन एजुकेसन कन्सल्टेन्सी, रेणु थापा, शिव गौतम, गोविन्द गौतम, लक्ष्मी गौतम, डिलमाया थापा र निर्मल गिरीसँगै कलेजमा हालसम्म १६४ जना सिनेटर सदस्यहरु रहेका छन् । सो अवसरमा क्याम्पसका पुर्व सञ्चालक समितिका सदस्य शकमान सदाशंकर, कृष्ण बहादुर थापा, हरि बहादुर थापा, गोविन्द बहादुर थापा र टोप बहादुर थापालाई सम्मान गरिएको थियो ।
यस्तै यसै शैक्षिक सत्रदेखि कलेजसँग आवद्ध रहेका प्राध्यापकद्धय थपनारायण चापागाईं र आनन्द अधिकारीलाई कलेजकातर्फबाट स्वागत गरिएको थियो ।
क्याम्पस व्यवस्थान समितिका अध्यक्ष युवा पण्डित भागवत् भाष्कर कमल नयन गौतमकोे अध्यक्षतामा कार्यक्रम सम्पन्न भएको थियो ।
प्रतिक्रिया लेख्नुहोस्:-