वडाध्यक्ष गुरुङको आफ्नै घरमा जलेर मृत्यु

पोखरा । कास्कीको मादी गाउँपालिका—१ सिक्लेसका निर्वतमान वडाध्यक्ष सुरजकुमार गुरुङको आफ्नै घरमा आगलागी हुँदा जलेर मृत्यु भएको छ ।

आईतबार राति ८ः३० बजेदेखी सुरु भएको आगलागीका कारण गुरुङको मृत्यु भएको सोही वडाका वडाध्यक्ष देवीजङ्ग गुरुङले जानकारी दिए ।

उनका अनुसार राति साढे १० बजे आगलागी नियन्त्रणमा लिइएपछि गुरुङको शब घरभित्र जलेको अवस्थामा फेला परेको थियो । गुरुङ विसं २०७४ को स्थानीय तह निर्वाचनमा वडाध्यक्षमा निर्वाचित भएका थिए ।

मृतक गुरुङकै घरदेखी आगलागी सुरु भएको बताइन्छ । कपडा पसल सञ्चालन गर्दै आएका गुरुङ घरमा एक्लै बस्ने गर्दथे ।  छोरा÷बुहारी गाउँकै अर्को घरमा बसोबास गर्दै आएको बताइन्छ । आगलागीबाटसँगैको तौबहादुर गुरुङको घर समेत जलेर पूर्ण क्षति भएको वडाध्यक्ष गुरुङले जानकारी दिए।