पोखरा । पोखरामा २२ औं आहा–रारा पोखरा गोल्डकप फुटवल प्रतियोगिता शुरु भएको छ । उद्घाटन खेलमै आयोजक सहारा क्लव पराजित भएको छ ।
सहारा धरान फुटबल क्लवसंग १-० ले पराजित भएको हो । प्रकाश बुढाथोकीले खेलको चौंथो मिनेटमै गरेको गोल धरानलाई जिताउन निर्णायक भयो ।
धरानले डिबक्स क्षेत्र नजिकै फ्रिकिक पाएको थियो । उक्त अवसरलाई सदुपयोग गर्दै बुढाथोकीले गोल गरेका हुन् ।
खेलको दोस्रो हाफमा धरानमाथि दबाब बनाए पनि गोल गर्न नसक्दा सहारा पहिलो खेलबाटै बाहिरिनुपरेको छ ।
प्रतियोगिता अन्तर्गत शुक्रबार उपाधि दाबेदार नेपाल पुलिस क्वल र चर्च ब्वाइज युनाइटेडबीच प्रतिस्पर्धा हुनेछ ।
१४ पुष २०७९, बिहीबार २२:२४ मा प्रकाशित
