पोखरा / पोखरा अन्तर्राष्ट्रिय विमानस्थलमा यती र बुद्ध एयरलाइन्सले बिहीबार परीक्षण उडान गरेका छन् ।
बिहीबार दुबै एयरलाइन्सले पोखरा विमानस्थलबाट उडान गरेर पोखरा अन्तराष्ट्रिय विमानस्थलमा अवतरण गरेका थिए ।
आगामि जनवरी १ देखि औपचारिक रुपमा संचालनमा आउन लागेको विमानस्थलको तयारी स्वरुप दुबै कम्पनीका एटिआर–७२ जहाजले पोखरा अन्तर्राष्ट्रिय विमानस्थलमा पहिलो पटक अवतरण गराएका हुन् ।
अन्तर्राष्ट्रिय विमानस्थलको धावनमार्गको दुवैतिर (पूर्व र पश्चिम) बाट जहाजको अवतरण गराइएको थियो । विमान अवतरण पछि पोखराका व्यवसाहीहरुले खुसी व्यक्त गरे । विमानस्थल सञ्चालन सगँ पर्यटन क्षेत्रमा उत्साह थपिने पोखरा पर्यटन परिषद्का अध्यक्ष पोमनारायण श्रेष्ठले बताए ।
उडान सफल भएपछि दुबै विमान कम्पनीले आफुहरु व्यवसायीक उठानका लागि तयार रहेको बताए ।
पोखरा अन्तराष्ट्रिय विमानस्थल आगामि जनवरी १ देखि संचालनमा ल्याउने नागरिक उड्डयन प्राधिकरण (क्यान)को तयारी छ । सबै तयारी भई सकेको पोखरा अन्तराष्ट्रिय विमानस्थलका प्रमुख विक्रम गौतमले बताए ।
यस विमानस्थलमा बोइङ ७५७ र एअरबस ३२० सम्मका विमान उडान तथा अवतरण गर्न सक्छन् ।
विमानस्थलको क्यालिब्रेसन फ्लाईट (यान्त्रीक परीक्षण), हवाइ उद्धार अध्यास लगाएका काम पनि सकिएका छन् ।
जहाजमा पर्यटन व्यवसायी, पोखरा महनगरका मेयर धनराज आचार्य, हवाई उड्ययन क्षेत्रका पदाधिकारी सहितका यात्रुहरु सहभागी भएका थिए ।
चिनियाँ कम्पनी सीएएमसीईले २०१७ नोभेम्बर १ मा निर्माण थालेको थियो । पोखरा अन्तराष्ट्रिय विमानस्थल तीन हजार ८ सय ९९ रोपनी जग्गा तयार गरिएको छ ।
२०३२ सालमै पोखरामा अन्तर्राष्ट्रिय विमानस्थल निर्माणका लागि तीन हजार १०६ रोपनी जग्गा अधिग्रहण गरिएको थियो । थप जग्गा आयोजनाले चरणबद्ध रूपमा अधिग्रहण गरेको थियो ।
चीन सरकारको सहुलियतपूर्ण ऋण सहयोग २२ अर्ब रुपैयाँको लागतमा आयोजना निर्माण भइरहेको हो ।
प्रतिक्रिया लेख्नुहोस्:-