पोखरा , गण्डकी मेडिकल कलेज टिचिडंग् हस्पिटल एण्ड रिसर्च सेन्टर प्रा लि ले पोखरामा ह्रदय रोग केन्द्र शुरु गरेको छ । करिब ३ महिना अगाडी बाट अस्पतालले यो सेवा शुरु गरेपनि बुधवार गण्डकी प्रदेशका मुख्य मन्त्री कृष्णचन्द्र नेपालीले ह्रदय रोग केन्द्रको औपचारिक उद्घाटन गरेका हुन ।
उद्घाटन समारोहमा बोल्दै मुख्य मन्त्री नेपालीले गण्डकी प्रदेश सरकारले पनि स्वास्थ्य क्षेत्रमा महत्वपूर्ण काम गर्दै आएको बताए । उनले निजी क्षेत्रको सहकार्य बिना सरकार एक्लैले केही गर्न नसक्ने भन्दै स्वास्थ्य क्षेत्रमा पनि निजी क्षेत्रकों योगदान महत्वपूर्ण रहेकोमा जोड़ दिए ।
गण्डकी मेडिकल कलेजका अध्यक्ष खुमा अर्यालले ह्रदय रोग उपचार केन्द्र शुरु गरेपछि गण्डकी धौलागिरी क्षेत्रका थुप्रै बिरामीहरुको उपचार छिटो र सस्तो खर्चमा हुने बताए । अब हेलिकोप्टर चार्टर गरेर काठमाडौ जानुपर्ने बाध्यता अन्त्य भएको अर्यालको भनाई थियो ।
कार्यक्रममा कलेजका प्राचार्य डा रविन्द्र प्रसाद श्रेष्ठ, ह्रदय रोग उपचार केन्द्रका प्रमुख डा मधु रोका लगायतले आआफ्नो भनाई राखेका थिए ।
मुख्य मन्त्री नेपाली र अस्पतालका अध्यक्ष अर्यालले के भने ? (भिडियो हेर्नुस)
एक दशक अगाडी ३ सय शैयाको अस्पताल संचालन गरेर सेवा शुरु गरेको गण्डकी मेडिकल कलेजमा हाल ५ सय ५० शैया पुगेको छ । अस्पतालमा हाल गहन चिकित्सा ( ईन्टेन्सिभ केयर )अन्तर्गत २७ शैयाको एमआईसियु ,१० शैयाको सिसियु, १४ शैयाको एसआईसियु,७ शैयाको पिआईसियु,२४ शैयाको एनआईसियु/ एनसियु, ४४ शैयाको विशिष्ट क्याबिन , तथा ४ सय १२ वटा जनरल बेड संचालनमा रहेका छन । दैनिक ७०० देखि ८०० बिरामीले अस्पतालबाट उपचार सेवा लिंदै आएको सोही अस्पतालका मेसु डा टुमाया घलेले जानकारी दिईन ।
गंगालाल ह्रदय रोग केन्द्रमा ६/७ वर्ष काम गरेका डा मधु रोकाले अहिले गण्डकी मेडिकल कलेजको ह्रदय रोग केन्द्रको प्रमुखको ज़िम्मेवारी सम्हालेका छन ।
डा रोकाले पोखराका अन्य अस्पतालमा समेत यस किसिमको सेवा रहेको तर गण्डकी मेडिकल कलेजले भने पहिलो पटक सेवा शुरु गरेको जानकारी दिए । यस क्षेत्रका बिरामीहरुलाई सक्दो सेवा दिने उद्देश्यले आँफु काठमाडौ बाट पोखरा आएको उनले बताए ।
डा रोका संगको कुराकानी भिडियोमा
प्रतिक्रिया लेख्नुहोस्:-