पोखरा , नेपाली कांग्रेसका केन्द्रीय सदस्य एवं युवा नेता गुरु बरालले अब बन्ने सरकार नेपाली कांग्रेसकै नेतृत्वमा बन्ने बताएका छन । बरालले कांग्रेसको संसदीय दलको नेता प्रधानमन्त्री बन्ने स्पष्ट पार्दै उनले संसदीय दलमा पार्टी सभापति शेर बहादुर देउवाको पक्षमा बहुमत रहेकोले देउवा नै संसदीय दलको नेता र प्रधानमन्त्री बन्न सक्ने सम्भावना औल्याए ।
प्रतिनिधि सभा र प्रदेश सभा निर्वाचनमा संसदको अंक गणितले नेपाली कांग्रेस ठुलो पार्टी बनेको भएपनि पपुलर भोटका आधारमा कांग्रेस दोश्रो हुन पुगेको उनले स्पष्ट पारे ।
गुरुकुल खवर अनलाईनका लागि गुरुकुल टिभी संग गरिएको कुराकानीमा उनले कांग्रेसको पपुलर मत घट्नुको ज़िम्मेवारी आफुले पनि लिने र पार्टी सभापति शेर बहादुर देउवाले पनि लिनुपर्ने उनले बताए ।
पार्टीको मत घट्नुमा अझ ठुलो ज़िम्मेवारी त पार्टीका युवा नेता भनेर प्रचार गर्ने महामन्त्री द्वय गगन थापा र विश्व प्रकाश शर्माको रहेको उनको भनाई छ । “ युवा नेताहरको नाममा भद्दा प्रचार भएको छ यस किसिमको प्रचार पार्टीको पक्षमा गर्न सकेको भए पपुलर मत घट्ने थिएन “ थापा र शर्मा प्रति लक्षित गर्दै बरालले भने ।
उनले कास्कीमा नेपाली कांग्रेसको हार हुनुको पछाडी केन्द्रीय समिति र संसदीय समितिको समेत कमजोरी रहेको औंल्याए । गठबन्धनको नाममा ३ प्रतिनिधि सभा र ६ प्रदेश सभा सांसद गरि ९ जना उमेदवार बन्ने कास्कीमा कांग्रेसाध्यक्ष ४ जना मात्र उमेदवार बनाउनु केन्द्रको कमजोरी र टिकट बितरणमा समेत नमिलाईनु संसदीय समितिको कमजोरी हो भन्दै केन्द्रीय सदस्य बरालले क्षेत्र नं १ मा चुनाब हार्नुको पछाडी उमेदवार स्वयं पनि प्रमुख कारण रहेको दावी गरे ।
उमेदवार बनेका किशोरदत्त बरालले आंफु जिल्ला सभापति बन्ने बेला ५ वर्ष सम्म कुनै चुनाव नलड्ने र संगठन मात्र गर्ने भनि प्रतिवद्दता व्यक्त गरेको तर १ वर्ष नहुंदै प्रतिवद्दता भुलेर उमेदवार बनेपछि कार्यकर्ताहरुले उनि प्रति विश्वास नगर्दा हार्नुपर्ने परिणाम आएको उनको भनाई छ ।
कास्की कांग्रेसका निवर्तमान सभापति कृष्ण केसी सहितको समुहले अन्तर्घात गरेका कारण प्रतिनिधि सभामा किशोरदत्त बराल र प्रदेश सभामा दिपक गुरुडं माईलाको पराजय भएको चर्चा चलिरहेको बेला केन्द्रीय सदस्य बरालले भने , “ अन्तर्घात गरेको कुनै प्रमाण भएमा केन्दीय समितिले नै माग गरेको छ, त्यस्तो ग़लत गरेको भए कारबाही हुन्छ।”
बराललाई पहिलो प्रश्न थियो– प्रतिनिधि सभा र प्रदेश सभाको निर्वाचन सकिएर सबै नतिजा सार्वजनिक भैसकेको छ, तपाईं नेपाली कांग्रेसको केन्द्रीय सदस्य, यो नतिजा हेर्दा तपाईलाई कस्तो लागिरहेको छ ? भनिदिनुस न ।
बाँकी भिडियोमा अर्थात् यो लिंकमा
प्रतिक्रिया लेख्नुहोस्:-