पोखरा। पोखराको लेकसाइडस्थित बाराही पथमा युवा पर्यटन व्यवसायी पोम नारायण श्रेष्ठले ‘पोम्स पेन्टहाउस’ सञ्चालनमा ल्याएका छन्। ग्रुपमा तथा परिवारसहित पोखरा घुम्न आउनेलाई लक्षित गर्दै पोम्स पेन्टहाउस सञ्चालनमा ल्याएको हो ।
विशेष गरी लामो तथा छोटो बसाईका लागि पोखरामा आउने आन्तरिक तथा बाह्य पर्यटकलाई लक्षित गरी लक्जरी अपार्टमेन्ट सञ्चालनमा ल्याएको संचालक श्रेष्ठले बताए ।
करिब १० करोड रुपैयाँ लागतमा निमार्ण सम्पन्न उक्त पेन्ट हाउसमा घरमा आवश्यक पर्ने किचन, ग्याँस, भाँडाकुडालगायत सबै सेवा सुविधा उपलब्ध छ ।
स्टुडियो अपार्टमेन्ट ६ वटा, दुई बेडरुमको ४ वटा, थ्री बेर्डरुमको १ र ६ वटा सेयरिङ किचन रुम रहेको सो पेन्ट हाउसमा रहनकालागि नेपालीले एक रातको ३ हजारदेखि १२ हजार रुपैयासम्म तिर्नु पर्नेछ भने विदेशीलाई ४० डलरदेखि १२० डलरसम्म लाग्ने संचालक श्रेष्ठले बताए।
पोखरामा परिवारसहित आउने पर्यटकका लागि अपार्टमेन्ट निकै उपयोगी हुने गर्छ । केही समययता पोखरामा पारिवारिक वातावरणमा अपार्टमेन्टमा रहने आन्तरिक तथा बाह्य पर्यटकको संख्या बढ्न थालेको छ ।
‘लामो समय पोखरा बस्न चाहने पर्यटकलाई अपार्टमेन्ट निकै प्रभावकारी हुनेछ’ संचालक श्रेष्ठले भने ।
एक दिनमात्रै रहने वा छोटो समयका लागि पोखरा रहने पर्यटकले पनि अपार्टमेन्टको सुविधा लिन सक्ने श्रेष्ठ बताउँछन् ।
