पोखरा। नवौं राष्ट्रिय खेलुकद अन्तर्गत टेवल टेनिसमा नेपाल प्रहरी टिम च्याम्पियन भएको छ ।
पोखरामा बुधबार सम्पन्न प्रतियोगितामा ६ स्वर्ण सहित नेपाल प्रहरी टिम च्याम्पियन बनेको हो । प्रतियोगितामा ६ स्वर्ण, २ रजत र ४ काँस्य पदक हात पार्न सफल भयो भने बलियो प्रतिष्पर्धीका रुपमा रहेको शसस्त्र प्रहरीले १ स्वर्ण, ४ रजत र १ काँस्य पदक पाउँदै दोश्रो स्थानमा बन्न सफल रह्यो ।
त्यस्तै बाग्मति प्रदेशले १ रजत र २ काँस्य सहित तेश्रो भयो । प्रतियोगितामा त्रिभुवन आर्मी ले २ काँस्य, एनआरएनएले २ काँस्य, प्रदेश नं १ ले २ काँस्य र गण्डकी प्रदेशले भने १ काँस्य पदक मात्र हात पारेको छ ।
आजै सम्पन्न महिला सिंगल्सको स्वर्ण पदक नविता श्रेष्ठले हात पारेकी छिन् । पदक विजेता श्रेष्ठले ११–८, ११–६, १२–१४, ११–८, ९–११, ६–११, १३–१५ को ३–४ सेटले एलिना महर्जनलाई पराजित गरेकी हुन् । प्रतिष्पर्धी खेलाडी दुवै नेपाल पुलिस क्लवका खेलाडी हुन् । विजेता श्रेष्ठले पदक सहित नगद पुरस्कार २५ हजार रुपैयाँ पाउन सफल भईन् भने एलिनाले रजत पदक जितिन् । शसस्त्र प्रहरीकी सिक्का सुवाल र त्रिभुवन आर्मी क्लवकी रविना महर्जनले काँस्य पदक पाउन सफल भईन् ।
यसैगरी पुरुष सिंगल्स तर्फ स्यान्टु श्रेष्ठले स्वर्ण पदक पाउन सफल भए । नेपाल प्रहरीका स्यान्टु श्रेष्ठले शसस्त्र प्रहरीका रुविन महर्जनलाई ११–८, ११–७, ११–९, ६–११, ११–६ को ४–१ सेटले पराजित गरेका थिए । श्रेष्ठले पदक सहित नगद पुरस्कार २५ हजार रुपैयाँ पाउन सफल भए भने रुविनले रजतमा चित्त वुझाए । यसै गरी नेपाल प्रहरीका प्रदिप रोका र शसस्त्र प्रहरीका संयोग कपालीले काँस्य पदक हात पारे ।
प्रतियोगितामा सहभागि मधेश प्रदेश, लुम्बिनी, कर्णाली र सुुदुरपश्चिम प्रदेशले भने पदक जित्न असफल रहे ।
समापन कार्यक्रममा राष्ट्रिय खेलुकद परिषदका सदस्य राजेश गुरुङ, अखिल नेपाल टेबल टेनिस संघ तथा नेपाल ओलम्पकि कमिटिका उपाध्यक्ष चतुरानन्दराज वैद्य, अखिल नेपाल टेबलटेनिस संघका उपाध्यक्ष धर्ममान बज्राचार्य र कोल्मा बहाकोट तमु समाजका अध्यक्ष सुवेदार लालबहादुर गुरुङले पदक तथा पुरस्कार वितरण गरेका थिए ।
प्रतिक्रिया लेख्नुहोस्:-