काठमाडौं । नेपाली कांग्रेसले आसन्न निर्वाचनका लागि निरन्तरतामा नविनता दिनेगरी घोषणापत्र तयार गरेको जनाएको छ।
स्वर्णीम वाग्लेको संयोजकत्वमा गठित प्रारम्भिक मस्यौदा उपसमितिले घोषणापत्रको मस्यौदा तयार पारेको हो।
कांग्रेस सहमहान्त्री जीवन परियारले घोषणापत्रमा आर्थिक सुशासन, युवा रोजगारी र उद्यमशिलताका विषयहरु समेटिएको बताए।
शुक्रबार बसेको कांग्रेस केन्द्रीय कार्यसम्पादन समितिको बैठकले घोषणापत्र संशोधनसहित पारित गरेको हो। परीयारले भने, ‘आर्थिक विकास र समुन्नत नेपालको मार्गचित्र’ समेटिएको छ। पहिलो खण्डमा राजनीतिक मुद्दाबारे धारणा राखिएको छ।’
त्यस्तै घोषणापत्रमा ५ वर्षको मार्गचित्र समुन्नत नेपाल कसरी बनाउने भन्ने एजेन्डा समावेश भएको छ।
बैठकमा घोषणापत्र लेखन समितिका संयोजकसमेत रहेका महामन्त्री विश्वप्रकाश शर्माले घोषणापत्रको मस्यौदा पेस गरेका थिए। शर्माको संयोजकत्वमा ४१ सदस्यीय समिति बनेको थियो।
प्रतिक्रिया लेख्नुहोस्:-