पोखरा। पोखरा महानगरपालिका वडा नं १५ निराजनचोकमा मंगलबार बिहान एक वृद्धाको सिक्री लुटिएको छ।
मनिराम थापाकी ८७ वर्षीया आमा दिलमाया थापाले घाँटीमा लगाएको एक तोलाको सुनको सिक्री अन्दाजी ८ बजेको समयमा घर अगाडिबाटै लुटिएको परिवारले जनाएको छ ।

छोरा मनिरामका अनुसार बिहान घर छेउमा झार उखेलिरहेको बेला स्कुटरमा आएका दुई युवाले घाँटीमा लगाएको सुनको सिक्री तानेर भागेका हुन्।

घटनास्थल नजिकै विधुतको पोलमा सिसिटिभी राखिएपनि बिग्रिएको स्थानीयले बताएका छन्। चाडबाड नजिकिएसँगै दिनदाहाडै भएको चोरीको घटनापछि स्थानीयमा त्रास छाएको छ। चाडबाडको समयमा चोक तथा गल्लीमा प्रहरीले सुरक्षा सक्रियता बढाउनुपर्ने स्थानीयको माग छ।