पोखरा । नेपाली महिलाहरुको परम्परागत एवं सांस्कृतिक पर्व हरितालिका तीजको अवसर पारेर नेपाली कांग्रेस पोखरा महानगरपालिका कार्यसमितिले महिलाहरुलाई दर खुवाउने कार्यक्रम गर्ने भएको छ ।
यही भदौ ९ गतेका दिन दर खाने कार्यक्रम आयोजना गरिएको जानकारी नेका पोखरा महानगरका सदस्य तथा कार्यक्रम संयोजक अम्बिका ढुंगानाले दिएकी छन ।
कार्यक्रम सफल पार्न ढुंगानाको संयोजकत्वमा तयारी समिति गठन गरिएको छ । समितिमा संयोजक ढुंगाना र सदस्यहरुमा महानगरका उपसभापति भवसागर बराल , कोषाध्यक्ष सम्मर बहादुर श्रेष्ठ, र नगर सदस्यहरु दामोदर पराजुली , रवीन्द्र बराल,रामचन्द्र शर्मा, शेरबहादुर कार्की, इनु कोइराला, प्रीती पाण्डे लगायतका रहेका छन् ।
कार्यक्रममा पोखरा महानगरपालिकाका क्षेत्र भीत्र रहेर नेपाली कांग्रेसको विभिन्न भातृ तथा शुभेच्छुक संस्था तथा पार्टीको विभिन्न जिम्मेवारीमा रहेका महिला हरुको सहभागिता रहने जानकारी पनि ढुंगानाले दिएकी छन ।
उनका अनुसार करिब ५ सय जना महिलाहरु सहभागी बन्ने अनुमान छ । कार्यक्रम कास्की कांग्रेसको प्रांगणमा हुने बताईएको छ ।
