पोखरा । पोखरा महानगरपालिका वडा नं १० मा रहेको शान्ति समाज बुद्धचोकले शान्ति भवनमा ट्रष्ट निर्माण गरेको छ । हालै एक कार्यक्रम बीच उक्त ट्रष्टको उदघाटन गरिएको छ ।
ट्रस्टको उदघाटन गर्दै समाजसेवी एवम् शान्ति समाजका संरक्षक क्या.कुमानसिंह गुरुङले तत्कालिन पेल्काचौर गाउँ विकास समिति स्याङजाबाट विभिन्न पेशा व्यवसायले पोखरा बसाई सराई आएकाहरुको मेहनत र लगावले समाजको स्थापना भएको स्मरण गरेका थिए । क्या. गुरुङले समाज स्थापनासंगै वैवाहिक कार्यदेखि मृत्यु संस्कारका कार्यहरु गर्न सहज भएको बताउँदै संस्कृति र संस्कार जोगाउन मात्र नभई भावनात्मक एकताका लागि पनि समाजको महत्व रहेको उल्लेख गरे ।
समाजका अध्यक्ष जीतबहादुर गुरुङको अध्यक्षतामा सम्पन्न उद्घाटन कार्यक्रममा शान्ति समाज यु.के.का अध्यक्ष एवम् शान्ति भवन ट्रस्ट निर्माण कार्य समिति परियोजनाका प्रमुख निर्देशक डब्लु ओटु पितमबहादुर गुरुङ, समाजका उपाध्यक्ष एवम् ट्रष्ट निमार्ण परियोजनाका सह निर्देशक लोकबहादुर गुरुङलगायतले शान्ति समाजको स्थापनको उद्देश्य र समाजले गर्दै आईरहेको कार्यहरुका बारेमा प्रकाश पारेका थिए ।
कार्यक्रममा ट्रष्ट निमार्णका लागि आर्थिक सहयोग गरेका समाजका सदस्यहरुलाई सम्मानपत्रले सम्मान गरिएको थियो । कुल ८ लाख ६५ हजार रुपैया लागतमा उक्त ट्रष्ट निर्माण कार्य सम्पन्न गरिएको परियोजनाका प्रमुख निर्देशक डब्लु ओटु पितमबहादुर गुरुङले गुरुकुल खबरलाई जानकारी दिए ।
प्रतिक्रिया लेख्नुहोस्:-