पोखरा, ७ जेठ/ स्थानीय तहको निर्वाचन अन्तर्गत पोखरा महानगरपालिकाका बहुमत वडामा नेपाली कांग्रेसका उमेदवार बिजयी हुने सम्भावना बढेको छ ।
मतगणनाको पछिल्लो परिणाम अनुसार नेपाली कांग्रेसले वडा नं १४ , २७ र २८ मा बिजय प्राप्त गरेको छ । यि वडासंगै नेपाली कांग्रेसले १४ वडामा बिजय प्राप्त गरिसकेको र वडा नं १० र वडा नं ११ मा बिजयोन्मुख रहेको छ ।
यसका साथै वडा नं १६, ३० र ३१ मा पनि नेपाली कांग्रेसले अग्रता लिईरहेको छ भने वडा नं १५ मा नेकपा एमाले ले अग्रता लिईरहेको छ ।
कुल ३३ वडा मध्येका बाँकी वडा नं १ , ५ , ६ ८ र २० मा नेकपा एमाले बिजयी भएको छ भने वडा नं १७,१८,१९,२१, ३२ र ३३ को मतगणना हुन बाँकी छ ।
पछिल्लो परिणाम अनुसार पोखरा -१४ बाट नेपाली कांग्रेसका युवा नेता बोधबहादुर कार्की फराकिलो मतान्तर सहित बिजयी भएका छन ।
अघिल्लो स्थानीय निर्वाचनमा १२७ मतले वडाध्यक्षमा पराजित कार्र्की यस पटक भने ठुलो मतान्तर सहित बिजय भए ।उनि व्यवसायिक र सामाजिक क्षेत्रमा पनि सक्रिय छन । त्यस वडाको विकासका लागि उनले पोखरा महानगरपालिका लगायतका निकायमा लबिडं गर्ने काम समेत गर्दै आएका थिए ।
त्यस वडामा नेपाली कांग्रेसको वडाध्यक्षसहित अधिकांश सदस्यमा बिजयी भएका भएपनि एक सदस्यमा भने एमाले उम्मेदवार बिजयी भएका छन् । वडा नम्बर १४ मा कांग्रेसका वडाध्यक्षका उम्मेदवार कार्कीले एमालेका डेलबहादुर गुरुङलाई हराउँदै बिजयी भएका छन् ।कार्कीले ३ हज़ार २९० मत प्राप्त गर्दा एमालेका गुरुडंले भने १ हज़ार ७६४ मा नै चित्त बुझाउनुपर्यो ।
अघिल्लो पटक १२७ मतले हारेको बदला यस पटक कार्कीले राम्रै संग लिए जसका कारण उनि करिव १ हज़ार ५ सय मतान्तर सहित बिजयी हुन पुगे । महिला सदस्यमा कांग्रेसकी दिलमाया गुरुङले एमालेकी सरिता बास्तोलालाई, दलित महिला सदस्यमा कांग्रेसकी तनुजा सार्की (थापा)ले एमालेकी सिर्जनाकुमारी पोखरेललाई हराउँदै बिजयी भए ।
त्यस्तै, खुल्ला दुई सदस्यमा कांग्रेसका कृष्णहरी काफ्ले र एमालेका मानबहादुर घर्ती बिजयी भए ।
यसैगरि वडा नं २८ को वडाध्यक्षमा नेपाली काँग्रेसका श्रीकृष्ण लामिछाने निर्वाचित भएका छन् । उनले निकटतम प्रतिद्वन्द्वी एमालेका बैनबहादुर गुरुङलाई १ सय ५२ मतान्तरले हराउँदै जित निकाले । ३ हजार ७ सय ४ मतमा लामिछानेले १ हजार ६ सय ५८ मत ल्याए भने गुरुङले १ हजार ५ सय ६ मत प्राप्त गरे ।
त्यस्तै महिला सदस्यमा पनि काँग्रेसकै डाल्डादेवी भुजेल विजयी बनेकी छन् । भुजेलले १ हजार ६ सय ५६ मत ल्याइन् । उनकी निकटतम प्रतिद्वन्द्वी राधिका पौडेलले १ हजार ४ सय ८० मत ल्याइन् । दलित महिला सदस्यमा पनि काँग्रेसकै इन्द्रकला कामी निर्वाचित भएकी छन् । कामीले १ हजार ५ सय ६२ मत ल्याइन् । प्रतिद्वन्द्वी एमालेकी सरु विश्वकर्माले १ हजार ५ सय १४ मत ल्याइन् । खुल्ला सदस्यमा नेपाली काँग्रेस र नेकपा एमाले १/१ सदस्य जिते ।
पोखरा महानगरपालिका वडा नम्बर २८ मानबहादुर जिसीको वडा हो । अघिल्लो पटक एमालेले जितेको वडामा यसपटक नेपाली काग्रेसले जितेको हो । वडा नं २८ लाई नेकपा एमालेको प्रभाव क्षेत्र मानिन्थ्यो । साबिक कालिका गाविस लाई पोखरा महानगरको २८ नं वार्ड बनाईएको हो। यस अगाडीको निर्वाचनमा कांग्रेसका युवा नेता विकास लामा गुरुडं ७७ मतले वडाध्यक्षमा पराजित भएका थिए । यस पटक पनि विकास लाई वडाध्यक्ष चुनाब लड्न घेरैले आग्रह गरेका थिए तर उनले अस्वीकार गर्दै आएका थिए । वडा नं २८ मा पनि कांग्रेस उमेदवारको विजयले एमालेको संगठनमाथी धक्का लागेको छ ।
प्रतिक्रिया लेख्नुहोस्:-