Play

काँग्रेससहित गठबन्धनले पोखरा महानगरको अधिकांश वडामा जित्ने कास्की काँग्रेसको दाबी

गुरुकुल खबर


पोखरा बैशाख २७ । नेपाली काँग्रेसले गठबन्धनसहित आफ्ना पार्टीका उम्मेदवारहरुले पोखरा महानगरको अधिकांश वडामा जित्ने आँकडा निकालेको छ । घरदैलोसँगैको प्रचारप्रसारको अन्तिम दिन पार्टीले यस्तो दाबी गरेको हो ।

‘घरदैलोको क्रममा मतदाताहरुबाट यो पटक नेपाली काँग्रेसप्रति अत्याधिक समर्थन रहेको हामीले पायौँ ।’ नेपाली काँग्रेस कास्कीका सभापति किशोरदत्त बरालले भने–‘काँग्रेसले अत्याधिक मतसहित धेरै स्थानमा जित्ने हाम्रो आँकलन छ ।’ नेपाली काँग्रेसको जिल्लादेखि सम्पूर्ण वडासम्मका कमिटिले चुनावी घरदैलो सकाएर आ–आफ्नो वडाको सम्भावित आँकलन पठाईसकेको उनले बताए ।

काँग्रेसको ३३ वटै वडा कमिटिले घरदैलो र प्रचारप्रसार सकिएको जनाएको छ । मंगलबार सबै वडामा अन्तिम चरणको मतदाता भेटघाट र घरदैलो गर्दै उम्मेदवारहरुले आ–आफ्नो पक्षमा मत मागे ।

वडानम्बर १ मा वडाअध्यक्षका उम्मेदबार सीता गुरुङ्ग सहितका उम्मेदबारहरुले अधिकारीटोल, पृथ्वीनारायण क्याम्पस क्षेत्र, बगर, केआईसिंह पुल, सिम्पानी, हरीचोक, कसेरी लगायतका क्षेत्रमा मतदाताहरुसँग भेटघाट गरे । त्यस्तै काँग्रेसका वडा स्तरका कार्यकर्ता पनि चुनावमा उत्तिकै खटिईरहेका छन् ।

यसैगरी वडानम्बर २ मा पनि घरदैलो, मोटरसाईकल ¥याली, पैदलयात्रा लगायतका कार्यक्रम भयो । सोमबार पोखरा महानगरपालिकाका मेयर पदका उम्मेदबार धनराज आचार्य र उपमेयर पदका उम्मेदबार कोपिला रानाभाट सहितको चुनावी सभा भएको वडानम्बर २ मा उम्मेदबारहरुले वडाभित्र पैदलयात्रा गरि भेटघाट गरेको नेपाली काँग्रेस वडानम्बर २ का इकाई सभापति अरुण कायस्थले जानकारी दिए । वडानम्बर २ मा दिवसमान प्रधानाङ्ग वडाध्यक्षको उम्मेदबार छन् ।

वडा नं ३ मा पहिलो चरणको घरदैलो कार्यक्रम सम्पन्न पश्चात आज बिहानदेखि नै मतदाता भेटघाट तथा मतदाता शिक्षा कार्यक्रम आयोजना गरिएको काँग्रेस वडा इकाई सभापति नारायणमान उदासले जानकारी दिए ।

वडानम्बर ४ मा पनि उम्मेदबारहरु व्यक्तिगत भेटघाटमा छन् । वडाको सबै क्षेत्रमा घरदैलो कार्यक्रम सम्पन्न गरेर ¥याली तथा भेटघाट कार्यक्रम गरिएको वडा सदस्यका उम्मेदबार प्रकाश कोइरालाले जानकारी दिए ।

वडा नम्बर ५ मा अध्यक्ष प्रमोद कोईरालासहितको उम्मेदवारहरुको टोलीले घरदैलोमा पुगेर मत माग्ने र मतदातालाई भेटेर भ्याईसकेको वडा कमिटिका सचिव हरि पन्तले बताए । वडा नम्बर ६ मा पनि अध्यक्ष उम्मेदवार जगतबहादुर पहारीसहितको टोलीले घरदैलो सकिएको जनाएको छ ।

पोखरा उपमहानगरपालिका वडानम्बर ७ मा भने युवा तथा महिलाहरु खटाएर मतदाता शिक्षा कार्यक्रम गरिएको छ । ५ दलीय गठबन्धनबाट चुनावी मैदानमा रहेका आफ्ना उम्मेदबारहरुलाई विजयी गराउनका लागि मतदाता शिक्षा कार्यक्रम गरिएको ईकाई सभापति नविनराज बरालले जानकारी दिए ।

उनका अनुसार चुनाव प्रसारको अन्तिम दिन मोटरसाइकल ¥याली पनि भएको छ । होटल व्यवसायीहरु तथा पोखराको मुख्य पर्यटकीय क्षेत्रको वडा भएकोले पनि सो क्षेत्रलाई अझ सुन्दर पर्यटकीय क्षेत्र कसरी निर्माण गर्न सकिन्छ भन्ने एजेण्डा लिएर उम्मेदवारहरु मतदाताको घरघरमा पुगेका थिए ।

यसैगरी वडा नं ८ ले पनि साँझ जनप्रिय मार्गमा रहेको प्रचारप्रसार कार्यालयबाट र्याली निकाली वडाको परिक्रमा गरेको थियो ।
वडा नं ९ मा पनि चुनावी अभियानको अन्तिम दिन अध्यक्ष दीपेन्द्र मर्सानीसहित सदस्य उम्मेदवारहरुले बाजागाजासहित वडा परिक्रमा गरेको वडा इकाई सभापति शिवराज बाँस्तोलाले जानकारी दिए । बाजागाजा सहितको सो र्याली नयाबजार, महेन्द्रपुल, पालिखेचोक, चिप्लेढुंगा, न्यूरोड हुदै दरबारथोकमा पुगी चुनावी सभामा परिणत भएको थियो ।

त्यस्तै वडा नं १० ले पनि आज अन्तिम दिन चुनावी र्याली सहित औपचारिक रुपमा चुनावी अभियानको समापन गरेको छ । काँग्रेस वडा ईकाई सचिव उदिम गुरुङका अनुसार उम्मेदवार सहितको र्याली अमरसिंह चोक, हस्पिटलचोक, बुद्धचोक, रामबजार चोक हुदै घलेचोकमा पुगी चुनावी सभामा परिणत भएको थियो ।

यसैगरी पोखरा उपमहानगरपालिका वडानम्बर ११, १२, १६, १८ र १९ मा घरदैलो र भेटघाट कार्यक्रम भएको इकाई सभापतिहरुले जानकारी दिएका छन् । त्यस्तै वडा नम्बर १३ मा युवा उम्मेदवार किरण बरालसहित सदस्य उम्मेदवारहरुको टोलीको प्रचारप्रसार र घरदैलो पनि सकिएको छ ।

अन्तिम दिन मंगलबार वडा नं १३ को काँहुखोला ढल्केपुलमा गठबन्धन दलका साझा उम्मेदवार मेयर धनराज आचार्य र नेपाली काँग्रेसका उपमेयर पदका उम्मेदवार कोपिला रानाभाटसहितको चुनावी सभा सम्पन्न भएको नेपाली काँग्रेस वडा ईकाईले जनाएको छ ।

उता वडा नं १४ मा पनि मेयरका उम्मेदवार धनराज आचार्य र उपमेयरका उम्मेदवार कोपिला रानाभाट सहितको चुनावी सभा सम्पन्न भयो । सभालाई आचार्य, रानाभाटसहित वडाध्यक्ष पदका उम्मेदवार बोधराज कार्कीले सम्बोधन गरेका थिए ।

वडा नं १५ मा घरदैलो कार्यक्रम सम्पन्न गरी कार्यकता भेटघाट गरेको नेपाली काँग्रेस वडा इकाई सचिव प्रितम गुरुङले जानकारी दिए । गुरुङका अनुसार मंगलबार उम्मेदवार सहित चोक चोकमा र्याली तथा कोणसभा भएको छ । वडा नं १५ मा नेपाली काँग्रेसका मिनबहादुर गिरीको नेतृत्वमा नेकपा एसबाट माया शर्मा मिना, जसपाबाट नरेश थापा, माओवादी केन्द्रबाट महेश बाँनिया र लक्ष्मी परियार उम्मेदवार रहेका छन् ।

वडानम्बर १७ मा चाहि मंगलबार मात्रै पहिलो चरणको घरदैलो तथा कार्यकर्ता भेटघाट कार्यक्रम सम्पन्न भएको छ । भेगीय रुपमा ठूलो वडा भएका कारण प्रचारप्रसारको अन्तिम दिनमात्रै रामदर्शन पथ, हुनमानटोल, शिवबुद्ध मार्ग, रातोपैरो र मनोहर मार्ग क्षेत्रमा घरदैलो कार्यक्रमसँगै कार्यकता भेटघाट गरेको वडाध्यक्षका उम्मेदबार देवराज आचार्यले जानकारी दिए ।

उनका अनुसार मंगलबार साँझ बरालफिडबाट शुरु भएको मोटरसाइकल ¥यालीले वडाका विभिन्न स्थानमा पुगेर चुनावी प्रचारप्रसार गर्दै बिरौटाचोकमा पुगेर टुंगिएको थियो ।

वडा नम्बर १८ र १९ मा पनि चुनावी अभियानलाई समापन गरिएको त्यहाँका ईकाई कमिटिहरुले जनाएका छन् । यसैगरी वडा नं २० मा पनि अन्तिम दिन घरदैलो, मतदाता शिक्षा र मेयर तथा उपमेयरका उम्मेदवारसंग चुनावी सभा सम्पन्न भएको छ । भलाम क्षेत्रमा घरदैलोसंगै आजबाट औपचारिक चुनावी कार्यक्रम सम्पन्न गरिने नेपाली काँग्रेस वडा इकाई सभापति तिलबहादुर गुरुङले जानकारी दिए ।

पोखरा महानगरको वडा नं २१ मा पनि घरदैलो कार्यक्रम सम्पन्न भएको काँग्रेस इकाई सभापति केवल गिरीले जनकारी दिए । रामादी, भालडाँडा, एकहाते, मट्टीखान, ढ्वाँरकोट, मुलाबारी र भिरस्वाँरामा घरदैलो तथा मतदाता शिक्षा अभियान सम्पन्न भएको सभापति गिरीले बताए ।

नेपाली काँग्रेस वडा ईकाई सभापति होमप्रसाद बरालका अनुसार वडा नं २२ मा उम्मेदवारहरु छुट्टा छुट्टै रुपमा मतदाता भेटघाट गरि काँग्रेसको पक्षमा मत मागेका छन् । औपचारिक रुपमा घरदैलो तथा चुनावी सभा कार्यक्रम सकिएपछि व्यक्तिगत भेटघाट कार्यक्रमलाई प्राथमिकतामा राखिएको बरालले बताए ।

वडा नं २३ मा पनि चुनावी अभियानको अन्तिम दिन कोणसभाको आयोजना गरि प्रचारप्रसारसँगै घरदैलो अभियानलाई औपचारिक समापन गरेको काँग्रेस वडा ईकाई सभापति भरतराज भण्डारीले जानकारी दिए ।

उता वडा नं २४ ले पनि चुनावी प्रचारप्रसारको अन्तिम दिन लौरुकमा कोणसभाको आयोजना गर्यो । घरदैलो अभियान सम्पन्न पश्चात उम्मेदवारहरु फेरी व्यक्तिगत रुपमा घरघरै गई मतदाता भेटघाट गर्ने र मतदाता शिक्षा प्रदान गर्ने काम गरिरहेको ईकाई सभापति प्रतापबहादुर कार्कीले जानकारी दिए ।

यसैगरी वडा नं २५ मा प्रत्येक टोलका कार्यकर्तालाई मतदाता शिक्षा दिनका लागि खटाईएको काँग्रेस वडा इकाई सभापति मधुसुदन त्रिपाठीले जानकारी दिए । त्रिपाठीका अनुसार २५ टोलीलाई मतदाता शिक्षाका लागि घरघरै खटाईएको छ ।

वडा इकाई सभापति शिबबहादुर रानाभाटका अनुसार मंगलबार वडा नं २६ मा उम्मेदवारहरु मतदाता भेटघाट र टोल कार्य समितिका अध्यक्षहरुसंग छलफलमा जुटे । मतदान स्थल भवानी कालिका मावि, अमरज्योति मावि र लक्ष्मी माविमा बुथ कमिटि गठन गरी मतदातालाई सचेत गराउन मतदात स्थल नजिक सम्पर्क कार्यालय पनि स्थापना गरिएको सभापति रानाभाटले जानकारी दिए ।

वडा नं २७ मा मतदाता शिक्षाका साथै मोटरसाईकल र्यालीको आयोजना गरिएको वडा ईकाई सभापति नारायणमणि लामिछानेले जानकारी दिए । घरेलुचौरबाट सुरु भएको र्याली अर्घौचोक, खरानी, अर्चले, बतासे,अर्घौबेसी, रिट्ठ्पानी हुदै घरेलुचौरमा नै आई सभामा परिणत भएको थियो ।

उता वडा नं २८ को मजुवा, मोहरीया, शिशुवा, काँहुखोला साईड लगाएतको क्षेत्रमा अन्तिम दिन घरदैलो अभियान सञ्चालन गरिएको वडा ईकाई सभापति विश्वरमण अधिकारीले जानकारी दिए ।

यसैगरी वडा नं २९ ले घरदैलो लगायतका औपचारिक चुनावी कार्यक्रम सम्पन्न गरी समुदाय भेटघाट कार्यक्रमको आयोजना गरेको वडा इकाई समितिले जनाएको छ । पट्नेरी, भण्डारढिक, आदर्शचोक, नवदुर्गा टोल लगायतका टोलहरुमा मतदाता शिक्षा दिएको समेत समितिले जनाएको छ ।

घरदैलो, मतदाता शिक्षा र बुथ कमिटि गठनसंगै वडा नं ३० पनि औपचारिक चुनावी अभियान सम्पन्न भएको वडा ईकाई सभापति ध्रुवराज न्यौपानेले जानकारी दिए । मोहरीया, शिवालय, भगवती चोक, भूगोलपार्क टोल, शिशुवा, दिपाङ टोल लगायत अन्य टोलहरुमा नमुना मतपत्र लिएर काँग्रेसका कार्यकर्ताहरु घरघरमा पुगेका थिए ।

वडा नं ३१ मा पनि बेगनासताल, लामास्वारा, पचभैया, सुन्दरीडाँडा, कालीमाटी, पौरखी, अर्चलथर, लब्सीडाँडा लगायतका टोलहरुमा मतदाता शिक्षा दिने काम सकिएको काँग्रेस वडा इकाई सभापति महेश पौडेलले जानकारी दिए ।

वडा इकाई सभापति कुलप्रसाद अधिकारीका अनुसार वडा नं ३२ मा महिला संघ र शिक्षक संघका सदस्यहरुले मतदाता शिक्षा दिने काम सम्पन्न गरेका छन् । मालेपाटन, राजाकोचौतारा, खोलाको छेउ लगायतका टोलहरुमा मतदाता भेटघाट र मतदाता शिक्षा दिने काम सम्पन्न गरेको अधिकारीले बताए ।

वडा नं ३३ मा पनि चुनावी प्रचारप्रसारको अन्तिम दिन कुसुन्डे, आदर्शटोल, सिस्ने र तोरीचौर लगायतका टोलहरुमा मतदाता शिक्षा दिनुका साथै घरदैलो कार्यक्रम सम्पन्न गरेको वडा ईकाई सभापति तिलकप्रसाद अधिकारीले जानकारी दिए ।

 

 

२७ बैशाख २०७९, मंगलवार २३:०० मा प्रकाशित
Nabintech